ӨВӨРМОНГОЛЧУУДЫН ӨРГӨН БҮРЭЛДҮҮНТЭЙ БАГ ДУНДГОВЬ АЙМГААР АЯЛЖ БАЙНА

Сэтгүүлч Д.Наранцогтын санаачлан байгуулж үндэсний болон олон улсын хэмжээнд үйл ажиллагаа явуулдаг "Байгаль, эх дэлхийгээ аврах тэнгэрлэг аян”-ыг дэмжигч Өвөр монголчуудын төлөөлөл  /Шилийнгол аймаг, Ордос хотоос/
"Тулга” хайр халамжийн нийгэмлэгийн тэргүүн Түмэнгэрэл тэргүүтэй 100 шахам хүний бүрэлдүүнтэй баг Монгол орноор аялж явна. Тэд Улаанбаатар хот, Аглаг бүтээлийн хийд, Гандантэгчилэн хийд, Хүй долоон худаг дахь "Монгол наадам” цогцолбортой танилцан Дундговь аймгийн төвөөр аялж Байгалийн үзэсгэлэнт Их газрын чулуун дахь Задгай театрт Гурвансайхан сумын Соёлын төвийн Ардын авьяастнуудын тоглолтыг сонирхсон юм. Энэ өргөн бүрэлдүүн одоо Өндөршил сумын баяр наадам, Түмэн адууны баярт урилгаар оролцож байгаа бол  цааш нь аяллаа Дорноговь аймгийн нуттгаар үргэлжлүүлнэ. Өвөрмонголчуудын энэхүү төлөөллийг Дундговь аймгийн төвийн ойролцоох "Рашаантын ам”  амралтад саатах үеэр тус аймгийн Засаг дарга О.Бат-Эрдэнэ уулзан ажил хэргийн яриа өрнүүлж найрсгаар ярилцсан байна.
С.ПҮРЭВСҮРЭН