ШИЛИЙН ГОЛЫГ ЗОРИХ АХМАДУУД ЭРХИЙН БИЧГЭЭ ГАРДЛАА

Дундговь аймгийн АН-ын дэргэдэх Ардчилсан Ахмадын хорооноос Сэтгүүлч Д.Наранцогтын тэргүүлдэг Байгаль, эх дэлхийгээ аврах тэнгэрлэг аян" ТББ, ӨМӨЗО-ны Шилийн гол аймгийн "Тулга" хайр халамжийн холбоотой тогтоосон хамтын ажиллагааны хүрээнд АН-ын ахмад гишүүн С.Цэцэгмаа, Р.Дуламсүрэн, С.Дашзэгвэ, Л.Энхтүвшин, С.Бямбасүрэн нарыг Шилийн гол аймгийн Өү-Яа эмнэлэгт үзлэг шинжилгээнд хамрагдах эрхийн бичгээр шагналаа. АН-ын шинэ жилийн сүлд модны наадам дээр ААХ-ны дарга С.Пүрэвсүрэнгээс энэхүү эрхийн бичгийг гардсан гишүүн бүр 2000 юанийн найман төрлийн үзлэг, шинжилгээг ирэх нэгдүгээр сарын 10-14-нд Шилийнхотод очиж дээрх эмнэлэгт  100 хувийн хөнгөлөлттэй үнэ төлбөргүй хийлгэх юм.