Б.НАРАНХҮҮ ФУТБОЛКТОЙ ТАНГАРАГ ӨРГӨВ

🕔 2016/07/05 15:22

 

УИХ-ын шинэ гишүүд өнөөдөр /2016.07.04/ тангараг өргөлөө. Төрөө түшилцэж түмнээ төлөөлөх учиртай тангараг өргөх ёслолд гишүүд бүгд л төрөө дээдэлж үндэснийхээ дээл хувцсаар гоёж, зарим нь ёслолын хувцастай очсон бол УИХ-ын гишүүнээр улиран сонгогдож байгаа Б.Наранхүү гишүүн ганцаараа футболктой тангараг өргөв. Хөрөнгө чинээгээрээ алдартай эрхэм гишүүн маань төрт ёс хийгээд Дундговьчуудаа хүндлэхгүй байгаа бололтой.

Уг нь С.Жавхлангаас эхлээд УИХ-ын гишүүн Лүндээжанцан, эмэгтэйчүүд бүгд дээл өмссөн харагдсан. Б.Наранхүү гишүүний эл тоомжиргүй үйлдэлд олон нийт дургүйцлээ илэрхийлж байгаагаа цахим хуудсандаа бичжээ. Дээл хувцас дүүрч гэхэд Б.Наранхүү гишүүн маань  ирэх дөрвөн жилд "Монгол Улсын Их Хурлын гишүүн би ард түмнийхээ элчийн хувьд нийт иргэд, улсын ашиг сонирхлыг эрхэмлэн, төрийн хуулийг дээдлэн сахиж гишүүнийхээ үүргийг чин шударгаар биелүүлэхээ тангараглая” хэмээн гарын үсэг зурсан тангарагаа л биелүүлээсэй билээ.

С.САРУУЛ

Эх сурвалж: www.polit.mn

Санал болгох

Сэтгэгдэл бичих

АНХААРУУЛГА: Уншигчдын бичсэн сэтгэгдэлд www.Dundgovi.mn сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг устгах эрхтэй!