ДУНДГОВИЙН ТАЕКОВОНДЧИН ХҮҮХДҮҮДЭД ӨВӨР МОНГОЛЧУУД ИЖ БҮРЭН ХУВЦАС ХЭРЭГСЭЛ ИЛГЭЭСНИЙГ ГАРДУУЛЛАА

Дундговь аймагт Таеквондогийн спортын  "Зэв”  клуб ажилладаг. Энэ клубын дасгалжуулагчаар Ц.Отгончулуу ажилладаг юм. Сэтгүүлч Д.Наранцогтын тэргүүлдэг "Эх дэлхийгээ аваръя жиргээ холбоо”  ТББ-ыг дэмжин  хамтран ажилладаг Өвөр Монголчууд, Дээд Монголчуудын зарим төлөөлөл  тус клубт   зургаан сая төгрөгийн таеквондогийн спортын иж бүрдэл хувцас, хэрэглэл ирүүллээ.  Элэг нэгт Монгол туургатан нөхдийн чин сэтгэлийн  бэлгийг Дундговь аймгийн Засаг дарга О.Бат-Эрдэнэ, "Эх дэлхийгээ аваръя жиргээ холбоо” ТББ-ын тэргүүн Д.Наранцогт  нар "Зэв” клубын тамирчин хүүхдүүд, дасгалжуулагч Ц.Отгончулуун нарт гардуулан баяр хүргэлээ.  Тамирчин хүүхдүүд  үүний дараа "Эх дэлхийгээ аваръя жиргээ холбоо” ТББ-ын  бэлэглэж байгаа  голт борын   15   бутыг Сайнцагаан сумын Улсын тэргүүний гуравдугаар цэцэрлэгийн орчинд тарьлаа. Өмнө нь Өвөр Монголын Шилийн гол аймгийн хайр халамжийн "Тулга” нийгэмлэгээс иж бүрдэл хувцас хэрэглэл, Шинжааны Борталын өвөр Монгол Цахар Бүргэд гэдэг залуу тус клубын тамирчин Ц.Гэрэлт-Одод спортын амжилт гаргахад нь туслан сар бүр 300 юанын тэтгэлэг олгож байгаа зэрэг дэмжлэг үзүүлж байгаа билээ. Энэ бүх дэмжлэг тусламжийг олгоход холбож зуучлаж байгаа Д.Наранцогтод аймгийн Засаг дарга О.Бат-Эрдэнэ, "Зэв" клубын дасгалжуулагч Ц.Отгончулуун нар
талархаж байгаагаа илэрхийлэв .С.ПҮРЭВСҮРЭН