ХҮМҮҮНЛЭГ СУРГУУЛИЙН БОСОО БИЧИГТЭН СУРАГЧИД УЛСЫН ХЭМЖЭЭНД "ЦАХИУР ХАГАЛЖ"БАЙНА

Үндэсний бичиг үсгийн баяр орон даяар дуулиантай болж  олон номинац бүхий олимпиад дуу дуугаа авалцан  дүнгээ гаргасаар, өдөр, цаг минутаар амжилтын шинэ мэдээ ирсээр байна. Ялангуяа Улаанбаатарт болж байгаа уралдаан, сорилгуудад Дундговийн сурагчид "Цахиур хагалсаар” байгаа чихэнд чимэгтэй мэдээ ирсээр...   Чой.Лувсанжавын нэрэмжит Хэл иргэншлийн дээд сургуулиас зохион байгуулсан профессор Г.Дашийн нэрэмжит "Монгол бичиг бидний өмч " 9 дүгээр олимпиадаас Дундговь аймгийн Сайнцагаан сумын Хүмүүнлэг сургуулийн 11б ангийн  Э.Энхзул тэргүүн байр , 11б ангийн  Э.Сувд, 12а  ангийн П.Сумьяасүрэн 10а ангийн  Б.Цэндмаа нар гутгаар байр, 9а ангийн  А.Нинжингарав, 8а ангийн  А.Жавхлан, 6а ангийн Ө.Март нар шагналт байр эзлээд байна.  Энэхүү уралдаанаас Дундговь аймгийн Сайнцагаан сумын Хүмүүнлэг сургуулийн сурагчид одоогоор 1 алт, 3 хүрэл, шагналт байр 3-ыг аваад байна. Эдгээр сурагчдыг бэлтгэсэн багш нь Монгол улсын Зөвлөх багш Д.Отгонсүрэн юм. Д.Отгонсүрэн багшийн хоёр шавь, одоо их, дээд сургуульд суралцаж байгаа  М.Ганбагана, Э.Чойжий-Одсэр нэр энэ уралдааны насанд хүрэгчдийн номинацийн тэргүүн байранд шалгарсан байна.