ГУРВАНСАЙХАНЫ СУРАГЧ Н.ОТГОНТУЯА ТЕХНИК ТЕХНОЛОГИЙН УЛСЫН ОЛИМПИАДАД ШАГНАЛТ БАЙРАНД ОРЛОО

Улсын техник технологийн ХXIII удаагийн олимпиадад Дундговь аймгийн Гурвансайхан сумын 10а ангийн сурагч Нарансүхийн Отгонтуяа 12 дугаар ангийн сурагчидтай өгсөн өрсөлдөж Шагналт IV байр эзэлж нутаг орныхоо нэрийг Улсын тавцанд гаргалаа гэж тус сургуулийн технологийн багш  Б.МӨНХБҮРЭН мэдээллээ. Энэ талаар тодруулахаар тус сумын сургуулийн захирал Ж.Цэцэгдэлгэртэй холбогдоход "Манай багш маш авьяаслаг чадвартай залуу. Сая Улаанбаатар хотноо болсон Техник технологийн олимпиадад шавьтайгаа явж шавь Н.Отгонтуяа нь
амжилттай оролцлоо" гэлээ. Үнэхээр  алслагдсан говь нутгийн нэг сумын сургуулиас улсын хэмжээний дэвжээнд техник технологиор өрсөлдөнө гэдэг хатуухан даваа байж таарна.