Д.ОТГОНСҮРЭН БАГШИЙН ШАВЬ НАРЫН АМЖИЛТ ҮНДЭСНИЙ МОНГОЛ БИЧГИЙН УЛСЫН УРАЛДААНЫГ ТЭРГҮҮЛЖ БАЙНА

Дундговийн Үндэсний монгол бичигтнүүд Улаанбаатарт амжилтаараа шуугиан тарьж байна. Тухайлбал Үндэсний хэмжээний их дээд сургуулийн мэргэжлийн бус ангийн оюутнуудын дунд болсон  Монгол улсын Ардын багш Д.Чойжилсүрэнгийн нэрэмжит уралдааны эхний хоёр байрыг Дундговь аймгийн "Хүмүүнлэг” сургуулийн багш Д.Отгонсүрэнгийн хоёр шавь эзэлсэн байна.  ХИДС-ийн хятад хэлний 4 дүгээр дамжааны оюутан М.Ганбагана тэргүүн байр, МУИС-ийн ХУС-ийн нэгдүгээр дамжааны оюутан Э.Чойжий-Одсэр хоёрдугаар байранд дарааллаараа шалгарчээ.  Д.Отгонсүрэн багшийн энэ хоёр шавь Ерөнхий боловсролын сургуульд сурч байхдаа  улсын уралдаанд мөн шалгарч байжээ. Үндэсний Монгол бичгийн дараа дараагийн номинацийн уралдаан үргэлжилж байна.