ДУНДГОВЬ НУТГИЙН ЗӨВЛӨЛИЙН ИХ ЗОЛГОЛТООР ШИЛДГҮҮДЭЭ ТОДРУУЛЛАА

Улаанбаатар дахь Дундговь аймгийн нутгийн Зөвлөлийн Их золголт Шангрила цогцолборт боллоо. Их золголтын үеэр Нутгийн зөвлөлийн  нохой жилийн  шилдгийн шилдгүүдээ тодрууллаа. Соёл, урлагийн салбарын шилдгээр- Монгол улсын Урлагийн гавьяат зүтгэлтэн Дэлгэрийн Доржсүрэн, Спортын салбарын шилдгээр       оюуны спорт болох Соробан сампин, цээж тооллын олон улсын уралдааны алтан медальт сурагч Ууганбаярын Мишээл, Мөнх-Очирын Дунгармаа нар,  Боловсролын салбарын шилдгээр УБИС-ийн Дүрслэх урлаг, технологийн сургуулийн захирал Лочингийн Цэрэнсодном, Бизнесийн салбарын шилдгээр уран сийлбэрч, барималч Жамбалын Түвшинжаргал, Нутагтаа ээлтэй бизнесменээр "Ган-Илч” компаний ерөнхий захирал Осорын Ганбат, Нутгийн Зөвлөлийн Шилдэг зүтгэлтнээр Должинсүрэнгийн Тогтохбаяр,  Эрүүл мэндийн салбарын шилдгээр Я.Дашдагма, Шилдэг улс төрчаөөр УИХ-ын гишүүн, УИХ дахь МАН-ын бүлгийн дэд дарга Батсүхийн Саранчимэг, Хөдөө аж ахуйн шилдгээр Монгол улсын манлай уяач Баярсайханы Лхагва-Очиршалгарч "Алтан тэмээ” цом, мөнгөн шагнал хүртлээ.
                Нохой жилийн Шилдгийн шилдгээр МУИС-ийн Хууль зүйн сургуулийн захирал, Хууль зүйн ухааны доктор, профессор Жуужаагийн Эрдэнэбулган тодорч "Алтан хуур” цом, мөнгөн  шагнал хүртсэн юм. Шагналыг УИХ-ын гишүүн, Дундговь аймгийн Нутгийн зөвлөлийн дарга  Б.Наранхүү, Монгол улсын хөдөлмөрийн баатарууд, Монгол улсын Ардын болон гавьяат алдар цолтнууд,  олны танил улс төрчид гардууллаа.
 С.ПҮРЭВСҮРЭН