АЛСЫН СОЛОНГОСТ ГАЙХАГДСАН САНТЕХНИКЧ ДУНДГОВИОС ТӨРЛӨӨ

Мэргэжилтэй ажилчны үнэ цэн улам бүр өссөөр байна. Монголоос Уужимсэтгэл гэх охин дэлхийн шилдэг гагнуурчнаар шалгарсан бол Дундговь аймгаас сантехникийн мэргэжлээр суралцагч Г.Адьяадорж хүү улс орныхоо нэрийг дуурсган хоёрдугаар байрт шалгарсан байна. Дундговь аймгийн Эрдэнэдалай сумын Өнгөт багийн иргэн Будын Ганхуягийн хүү Адъяадорж нь Дундговь аймгийн МСҮТ-ийн  Сантехникийн  II дамжаанд сурдаг бөгөөд 2018 онд болсон "Монгол ур чадвар” улсын уралдаанд мэргэжлээрээ I байр эзлэсэн юм. Г.Адьяадорж хүү улмаар Монгол, Солонгосын хамтарсан багт оролцон Солонгос улсад бэлтгэл хийж 3 шаттай явагдсан Солонгосын үндэсний уралдаанд оролцон, I, II-р шатандаа түрүүлж, III шатны уралдаанд II байр эзэлсэн байна. Энэхүү амжилтаараа Г. Адъяадорж нь 2018 оны "Дундговь аймгийн шилдэг хүүхэд"-ээр шалгарчээ. 
 
С.ПҮРЭВСҮРЭН