ГАВЬЯАТ ЖҮЖИГЧИН Ж.ДҮНЖМАА АМЬДРАЛ, УРАН БҮТЭЭЛИЙН ТУХАЙ НОМ ГАРГАЛАА

🕔 2022/10/05 16:25

Нэгэн үе "Өлгий нэгтэй гурван гавьяат” гэсэн нэршил орон даяар төдийгүй хилийн чанадад ч түгэж, түмэн олныг шуугиулж байлаа. Хорин жилийн дараа эргэн харахад энэ хэлц үг хуучирч "Өлгий нэгтэй гурван Ардын цолтон” гэгдэх цаг хугацаа хариугүй ойртжээ. Учир юун гэвээс гурван гавьяатаас хоёр дүү нь "Монгол улсын Ардын жүжигчин” цол хүртэж эгч нь "Ардын жүжигчний энтэй Гавьяат”  хэмээн урлаг, соёлынхны дунд аль эртнээс яригдах болсон юм. Тэр хүн бол Зууны манлай эрэгтэй уртын дуучин Ж.Дорждагвын нэрэмжит "Тэнгэрийн тэмдэг” хүүхдийн театрын Уртын дууны багш, Монгол улсын Гавьяат жүжигчин Жамьянгийн Дүнжмаа.  Монгол ардын уртын дууг олны хүртээл болгох, уртын дуучдын залгамжлагч нарыг бэлтгэх, ялангуяа "Дуу хуур, өв соёлын нутаг Дундговь” гэсэн нэр алдрыг үеийн үед хадгалан бүх нийтээр уртын дуу сургахад өөрийн авьяас чадвар, хүч хөдөлмөрөө зориулсан түүний  хагас зуун буюу тавь гаруй жилийн гавьяат үйлсийн тайлан нь "Уртын дуу-миний амьдрал” хэмээх энэхүү ном юм.

            "Уртын дуу-миний амьдрал” ном дөрвөн бүлгээс бүрджээ. Эхний бүлэгт Ж.Дүнжмаагийн тухай намтарчилсан хөрөг-нийтлэл, түүний уран бүтээлийн талаар хэвлэлд нийтлэгдсэн материалууд орсон бол  дэд бүлэг нь "Миний дуулсан дуунаас” гэсэн нэртэй. Энд өөрийн дуулах арга барил, дуулсан дуугаа шавь нартаа заах аргачлалын эгшиглээс /Нот/, тэдгээр дууны тухай домог, үгийн хувилбарууд багтжээ.

Гутгаар бүлэгт өөрийн багш нар, үе үед хамтран ажилласан найз нөхөд, зарим шавь нарын дурсамж, сэтгэгдэл, дөтгөөр бүлэгт  эцэг, эх, буурал дээдэс,  өөрийн болон үр хүүхдүүд, шавь нарын урлагийн замналын тухай гэрэл зургийн цомог, шавь нарынх нь амжилтыг товчоолсон хүснэгтүүдийг толилуулсан байна. Номыг "Ордпресс" хэвлэлийн компанид хэвлэжээ.

С.ПҮРЭВСҮРЭН

ГАВЬЯАТ ЖҮЖИГЧИН Ж.ДҮНЖМАА  АМЬДРАЛ, УРАН БҮТЭЭЛИЙН ТУХАЙ НОМ ГАРГАЛАА

 

ГАВЬЯАТ ЖҮЖИГЧИН Ж.ДҮНЖМАА  АМЬДРАЛ, УРАН БҮТЭЭЛИЙН ТУХАЙ НОМ ГАРГАЛАА

 

ГАВЬЯАТ ЖҮЖИГЧИН Ж.ДҮНЖМАА  АМЬДРАЛ, УРАН БҮТЭЭЛИЙН ТУХАЙ НОМ ГАРГАЛАА

 


     

Санал болгох

Сэтгэгдэл бичих

АНХААРУУЛГА: Уншигчдын бичсэн сэтгэгдэлд www.Dundgovi.mn сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг устгах эрхтэй!