Өвчлөгсдийн 45 хувь нь гэрээр эмчлүүлж байна

Дундговь аймгийн хэмжээнд сүүлийн 24 цагт 119 хүн коронавирусний халдвар авч, 88 хүн эдгэрч, нэг хүн нас баржээ. Нийт халдварын тохиолдол 9 дүгээр сарын 20-ны байдлаар 3768, нас баралтын тоо 10 болж, 2602 иргэн эдгэрлээ.

Халдвар тус аймгийн 15 суманд батлагдаж байгаа ба Сайнцагаан, Эрдэнэдалай, Дэлгэрхангай, Сайхан-Овоо, Хулд, Адаацаг, Баянжаргалан, Луус суманд илүү өндөр байна.

Аймгийн Шуурхай штабын мэдээлснээр эмчлүүлж байгаа 1079 хүнээс нэг хүний биеийн байдал маш хүнд, 3 хүн хүнд, 73 хүн хүндэвтэр байгаа. Нийт өвчлөгсдийн 55 хувь нь эмнэлэгт, 45 хувь нь гэрээр эмчлүүлж байгаа аж.

Сүүлийн 24 цагт 401 иргэн түргэвчилсэн шинжилгээнд хамрагджээ. Аймгийн хэмжээнд 30685 иргэн коронавирусний халдварын эсрэг дархлаажуулалтад хамрагдах ёстойгоос дархлаажуулалтынIтунд 24166,IIтунд 21978,IIIтунд 1778 иргэн хамрагдсан байна. Дархлаажуулалтын эхний тунд хамрагдсан байдал 79 орчим хувьтай байна.