ДУНДГОВИЙН БАГШ НАРЫН ТӨЛӨӨЛӨЛ ХӨХХОТОД АЯЛААД ИРЛЭЭ

Дундговь аймгийн Ардчилсан нам орон нутгийн төрийн албан хаагчдын хамтын ажиллагааг сайжруулах, хөдөө орон нутагт боловсролыг дэмжих, Хятад Монголын хамтын ажиллагааг өргөжүүлэх ажлын хүрээнд УИХ-ын гишүүн Б.Наранхүү, Дундговь аймгийн 21 дэх Засаг дарга С.Од-Эрдэнэ нарын санаачлагаар БНХАУ-ын ӨМӨЗО-ны Эрээн, Хөх хотын Багшийн Их Сургуульд Дундговь аймгийн 15 сумаас сургууль, цэцэрлэгийн нийт 30 багшийг хамруулж тус аяллыг аймгийн Ардчилсан намын дарга Ц.Мөнхбат, ҮБХ-ны гишүүн Ж.Гантулга, улс төрийн ажилтан Д.Энхтамир нар удирдан зохион байгууллаа. Хоёр улсын хамтын ажиллагааны гэрээ нь 2015 онд С.Од-Эрдэнэ аймгийн Засаг даргын хувиар зурагдсан бөгөөд ӨМӨЗО-ны болон Дундговь аймгийн боловсролын байгууллага хоорондын хамтын ажиллагаа сургалт, хөрөнгө оруулалт, харилцан туршлага судлах хэлбэрүүдээр зохион байгуулахаар тохиролцоонд хүрч үзэглэсэн байна. Тус үйл ажиллагааг цаашид жил болгон зохион байгуулахаар төлөвлөж байгаа болно.