Монгол Улсын Дундговь аймгийн төлөөлөгчид Эрээн хотод айлчлав

 

Монгол Улсын Дундговь аймгийн Иргэдийн Төлөөлөгчдийн Хурлын дарга С.Сүхбаатар, Засаг дарга О.Бат-Эрдэнэ нарын зургаан хүний баг 2019 оны 03-р сарын 26-нд Эрээн хотод айлчлан, Эрээн хотын АТИХ-ын Байнгын хорооны дарга Уултай ажлын хэлэлцээ хийсэн байна.

Уул дарга Монгол Улсын Дундговь аймгийн төлөөлөгчдийн баг айлчлан ирсэн баярлаж буйгаа илэрхийлэхийн дээр 2016 онд Дундговь аймагт ажлын айлчлал хийсэн ба тухайн үед Дундговь аймгийнхан халуун дотноор хүлээн авч байсныг дурсан ярьсан байна. Тэрээр: - Одоогийн байдлаар Эрээн хотын Байнгын хороо нь Монгол Улсын Дундговь аймаг,  нийслэлийн Чингэлтэй дүүрэг, Архангай аймагтай найрсаг хамтын ажиллагааны харилцаа байгуулж, салбаруудын харилцаа хамтын ажиллагаа үр дүнгээ өгч байна. Энэ удаагийн Дундговь аймгийн  ИТХ-ын  дарга болон Засаг дарга нарын айлчлалаар дамжуулан Эрээн хотын АТИХ болон Дундговь аймгийн хооронд урт хугацааны найрсаг, хамтын ажиллагааны харилцаа тогтоох нь зүйтэй юм. Үүгээрээ орон нутгийн харилцаа, хамтын ажиллагааг дэмжинэ гэдэгт итгэж байна гэв.

Дундговь аймгийн ИТХ-ын дарга хэлэхдээ: - Эрээн хотын талын дурдсан саналыг өндөр үнэлж, Дундговь аймаг болон Эрээн хотын АТИХ найрсаг хамтын ажиллагаа хөтөлбөрийн хүрээнд, хурлын дараа соёл, урлаг, боловсрол, цэцэрлэгжүүлэлтийн салбарт ажил хэрэгч хамтын ажиллагаа байгуулахыг хүссэн байна. Үүний зэрэгцээ 2019 оны 08-р сард Дундговь аймаг нь язгуур урлагийн наадам Монгол Улс даяар зохион байгуулна. Тухайн үед Эрээн хотын холбогдох урлагийн чуулгыг тус үйл ажиллагаанд оролцохыг урьж, хоёр тал хүмүүнлэгийн салбарт хамтын ажиллагаагаа бэхжүүлэхийг хүссэн байна.

03-р сарын 27-нд Уул дарга Дундговь аймгийн төлөөлөгчдийн багийн хамт Эрээн хотын үндэсний Хүүхдийн цэцэрлэгээр хүрч, бага насны хүүхдийн боловсролын хамтын ажиллагааны талд гүн гүнзгий солилцоо хийсэн байна.

 

Найруулагч:	Ц.Урантунгалаг
Эх сурвалж:	Эрээн хотын сонин