СОЁЛЫН БИЕТ БУС ӨВ ТЭЭГЧДИЙН БҮТЭЭЛИЙГ ДЭЛГЭН ҮЗҮҮЛЛЭЭ

Дундговь аймгийн Музей  аймгийн төв-Сайнцагаан сумын хэмжээнд Соёлын биет бус өв тээгч зарим урчуудын бүтээлээр үзэсгэлэн гаргалаа.  Энд А.Таяагийн урласан шир, булигааран гөлөм, монгол гутал, аяны богц, морин хуур, С.Бат-Эрдэнийн урласан саалийн зэс тоног, бүслүүртэй модон хувин,  Ш.Цэрэн, Б.Цэрэнлхам нарын урласан монгол үндэсний дээл, Ш.Ганболдын урласан модон шатар, эвэр, ясан сийлбэр, Б.Балжиннямын урласан гоёл чимэглэлийн мөнгөн эдлэл, Х.Сувдаа, М.Эрдэнэчимэг нарын урласан зээгт наамал, уран хатгамал бурхан, жаргалын найман морь, Буян-Орших, С.Өлзийсайхан, Ц.Оюунчимэг нарын урласан эсгий урлалууд, Г.Отгонбямбын зүү ороон урласан даалин... зэрэг ур ухаанаа шингээсэн нандин  урлал үзэсгэлэнд дэлгэн тавьсан байна. Үзэсгэлэнгээ гаргасан урчууд өөр өөрийн бүтээлээс нэг нэгийг  аймгийн музейн үзмэрийг баяжуулахад зориулан бэлэглэлээ. Аймгийн Музейн захирал М.Бямбажав энд хэлсэн үгэндээ: "Та бүхэн бол соёлын биет бус өв тээгчид, та нарын энэ ур ухаан, уран яадвар, авьяас билиг бол Соёлын биет бус өв юм. Энэ өвийн биет бүтээл болсон эдгээр үзмэр манай музейн танхимд үеийн үед тавиастай олны сонирхол татсаар байх болно” гээд   хүн бүрд  С.Бат-эрдэнийн бэлэг дурсгалд зориулан урласан саалийн хувинг  бэлэглэн хадгалууллаа.