ЗАР »
"ЖОНИ" ХЭМЭЭХ ЛУВСАНДОРЖ АГСНЫ "МУЗЕЙ"-Г ДАХИН СЭРГЭЭВ
Дундговь аймгийн Өндөршил сумын Засаг дарга Л.Мөнхбадрахын хүсэлтээр аймгийн Музейн захирал М.Бямбажав хэсэг ажилтныхаа хамт тус суманд очиж мэргэжил арга зүйн болон биечлэн туслалцаа үзүүлэн Орон нутгийг сурталчлах танхимыг сэргээн байгуулж нийт үзмэрийг дэглэн тохижууллаа. Жараад оны дундуур "Жони" хэмээх Лувсандорж агсан анх нэгэн кабинетийг байгуулсан ч он жилийн урсгал, олон удирдлагын солигдолтоор энэ кабинетын үзмэр тарж бутарсан ч соёл, түүхийн өвийн хувь заяанд санаа тавьсан одоогийн удирдлагын чармайлтаар ийнхүү Орон нутгийг сурталчлах шинэ танхим байгуулагдсан байна. Тус танхимд сумын түүхэнд холбогдох болон ард түмний зан үйлийг харуулсан үзмэр, сумын нутаг дэвсгэр дэх ашигт малтмал, ан амьтан, түүх соёлын дурсгалд холбогдох эд өлгийн зүйл дэлгэн үзүүлжээ. Энэ ажлын хэсэгт оролцсон аймгийн музейн ажилтан Ж.Мөнхцэцэгийн авсан гэрэл зургаар энэ мэдээг бэлтгэв.
Санал болгох
Сэтгэгдэл бичих
АНХААРУУЛГА: Уншигчдын бичсэн сэтгэгдэлд www.Dundgovi.mn сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг устгах эрхтэй!
