МОНГОЛ УЛСЫН ХҮНИЙ ГАВЬЯАТ ЭМЧ М.БАЯНСАН АГСНЫ НЭРЭМЖИТ ӨСВӨРИЙН ШАТАРЧДЫН АНХДУГААР ТЭМЦЭЭН АМЖИЛТТАЙ БОЛЖ ӨНДӨРЛӨВ

   Дундговь аймаг дахь  "Мөнх дэлгэр” хүн эмнэлгийн 20 жилийн ойн хүрээнд тус эмнэлгийг үүсгэн байгуулагч, Монгол улсын хүний гавьяат эмч Маньдиагийн Баянсан агсны нэрэмжит Өсвөрийн  шатарчдын анхдугаар тэмцээн Мандалговьд боллоо.  Гурван насны ангиллаар эрэгтэй, эмэгтэй шатарчдын дунд явуулсан энэ тэмцээнд:
                Долоо хүртэл насны эрэгтэй ангилалд "Шинэ шийдэл” клубын  Э.Төгөлдөр түрүүлж Дэрэнгийн А.Билэгт, "Шинэ шийдэл” клубын  Ч.Мөнхбаатар, эмэгтэй ангилалд Дэрэнгийн 5 настай Б.Энхжин түрүүлж,  М.Энхмаа,  "Шинэ шийдэл” клубын  А.Буянхишиг  нар удаах байранд,  Ес хүртэлх насны эмэгтэй ангилалд  Улаанбаатарын М.Намуундарь түрүүлж  "Шинэ шийдэл” клубын  Б.Маргад, Улаанбаатарын М.Энхжин, Эрэгтэй ангилалд Дэрэнгийн М.Мөнгөншагай түрүүлж Мандал сургуулийн Э.Чинхүслэн, "Шинэ шийдэл” клубын   А.Шинэ-Од нар удаах байранд, 12 хүртэлх насны эрэгтэй ангилалд ЭДЦС-ийн О.Билэгсайхан түрүүлж "Шинэ шийдэл” клубын   М.Болд, Дэрэнгийн С.Доржсүрэн нар удаах байранд,  эмэгтэй ангилалд Мандал сургуулийн Г.Оюунтүлхүүр"түрүүлж,  Улаанбаатарын Г.Марал,  Шинэ шийдэл” клубын   Б.Маргад нар 2,3 дугаар байранд шалгарсан байна. Шалгарагсдад алт, мөнгө, хүрэл медаль, Өргөмжлөл, мөнгөн шагнал олгожээ. Энэхүү тэмцээнийг санаачлан зохион байгуулсан Монгол улсын Хүний гавьяат  эмч М.Баянсан агсны гэр бүл, үр хүүхдүүд  шагналтнуудын медаль, өргөмжлөлийг өвөрмөц загвар, дизайнаар лазер технологиор хийлгэснийг шатарчдын эцэг эх, хүүхдүүд, тэмцээнийг сонирхогчид өндөр үнэлж байлаа.