"САНТА ЧЕЛЛЕНЖ" АЯН "ЦЭГЦ БИЛИГ" СУРГУУЛЬД...

Дундговь аймгийн Сайнцагаан сумын "Цэгц билиг” сургууль дээр нэгэн өвөрмөц өдөрлөг боллоо. Зорилтот бүлгийн 70 хүүхдэд Шинэ жилийг угтан Өвлийн өвгөн бэлэг гардуулах энэ ёслол "Санта челленж” нэртэй юм. Бяцхан зочдоо  сурагчдын Морин хуурын хамтлаг тоглолтоороо угтсан бол чиглүүлэгчээр Загварын хүүхдүүд төрөл бүрийн донжийн хувцасны үзүүлбэртэйгээр ажиллан их танхимд ороход нь халуун чацаргана аягалан хүүхэд бүрд барьж хүндэтгэлтэй хандсан нь "Бяцхан зочид”-ын сэтгэлийн хөдөлгөж байгаа нь илт. Энэ аяныг Б.Гасрандорж даргатай Улаанзагалмай дунд шатны хороо, Ц.Бумангэрэл даргатай Боловсрол, соёл, урлагийн газраас  сургуулиудтай хамтран тусгай удирдамжаар аймгийн хэмжээнд зохион байгуулж байгаа юм.  Энэ сургуулийн 9-ийн Б анги "Санта челленж” аяныг бие даан хариуцан явуулж сурагчид бяцхан зочиддоо урлагийн тоглолтоосоо сонирхуулж Өвлийн өвгөн цасан охидтойгоо морилон ирж бэлгийг гардууллаа.  "Санта челленж” аяны хүрээнд анги бүр хамгийн багадаа таваас доошгүй бэлэг бэлтгэсэн бөгөөд бэлгийнхээ нэг хэсгийг сумдын сургуульд хүргүүлэхээр Улаан загалмай хорооны дарга Б.Гасрандоржид гардуулж өгөв.  "Цэгц билиг” сургуульд уригдсан бяцхан зочидын өмнө сургуулийн захирал С.Одончимиг, Улаан загалмай хорооны дарга Б.Гасрандорж нар үг хэлэн аянд идэвхитэй оролцсон анги, хамт олонд баяр хүргэн талархал илэрхийллээ