ЗАР »
ДУНДГОВЬ АЙМГИЙН ИТХ-ЫН 2 ДУГААР ХУРАЛДААН ЭХЭЛЛЭЭ
Дундговь аймгийн ИТХ-ын хоёрдугаар хуралдаан цахим болон танхимын хэлбэрийг хослон хуралдаж эхэллээ. Хуралдааны эхэнд "Дундговь авлигагүй хөгжинө" уриалгыг уншин сонсгож уриалгад аймгийн ИТХ-ын дарга С.Од-Эрдэнэ, Засаг дарга Ц.Мөнхбат нар төлөөлөн гарын үсэг зурлаа. Мөн Цахим хуралдааны дэгийг хэлэлцэн батлав. Хуралдаан хэлэлцэх асуудлын дараалал ёсоор Дундговь аймгийг 2021-2025 онд хөгжүүлэх үндсэн чиглэл, 2020 оны төсөвт хийх өөрчлөлтийн тухай, 2021 оны төсвийн төсөлт аймгийн Төрийн аудитын газрын өгөх санал, Аймгийн нийгэм, эдийн засгийг хөгжүүлэх 2021 оны төсвийн тухай... зэрэг асуудлыг хэлэлцэж байна. Аймгийн Засаг дарга томилогдоод дөрөвхөн хонож байгаа бөгөөд асуудлыг боловсруулах хугацаа давчуу байгаа тул аймгийн Засаг даргын 2021 оны үйл ажиллагааны хөтөлбөрийг зарим хойшлуулсан асуудлын хамт энэ ондоо багтан дараагийн хуралдаанаар хэлэлцэхээр тогтлоо.
Санал болгох
Сэтгэгдэл бичих
АНХААРУУЛГА: Уншигчдын бичсэн сэтгэгдэлд www.Dundgovi.mn сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг устгах эрхтэй!
