ҮНДЭСНИЙ МОНГОЛ БИЧГИЙН "САЙХАН БИЧИГТЭН" Э.ЭНХЗУЛ МУИС-Д 4 ЖИЛ СУРАЛЦАН ЭРХЭЭР ШАГНАГДЛАА

"Монголын сайхан бичигтэн-2019" Улсын уралдааны 12-р ангийн сурагчдын ангилалд Дундговь аймгийн "Хүмүүнлэг" сургуулийн 12б ангийн сурагч Э.Энхзул Тэргүүн байр эзэлж, Монгол Улсын их сургуульд 4 жил үнэ төлбөргүй сурах урилгаар шагнууллаа. Түүнийг "Хүмүүнлэг" сургуулийн Монгол хэл, уран зохиолын багш , Монгол улсын Зөвлөх багш Д.Отгонсүрэн бэлтгэсэн аж. Д.Отгонсүрэн өгүүлэхдээ:
            " -Монголын сайхан бичигтэн" -2019 Улсын уралдааны 12-р ангийн сурагчдын ангилалд Тэргүүн байр эзэлж, МУИС - д 4 жил үнэ төлбөргүй сурах УРИЛГА - аар шагнагдсан 12б ангийн сурагч Э. ЭНХЗУЛ - даа халуун баяр хүргэе. Э.Энхзул маань МУИС-д урилгаар үнэ төлбөргүй суралцах эрхээр шагнагдсан 4 дэх шавь минь бөгөөд өмнө нь Э.Сэржмядаг, М.Ганбагана, Э.Чойжий-Одсэр нар ийм шагнал хүртэн  МУИС-д суралцаж байгаа билээ. Олон олон бахархалт шавийн минь үргэлжлэл байж чадсанд талархаж, цаашдын сурлагад өндөр амжилт хүсье”  гэжээ.