АХМАДУУДАД ХАРААЗҮЙН ОНОШЛОГОО ХИЙН НҮДНИЙ ШИЛ ҮНЭ ТӨЛБӨРГҮЙ ОЛГОЛОО

Дундговь аймгийн Ардчилсан намын дарга Цагаанхүүгийн Мөнхбатын санаачлан хөөцөлдөж хоёр дахь жилдээ хэрэгжүүлж байгаа "Ахмадуудад хараазүйн оношлогоо хийж нүдний шил олгох” төслийн хүрээнд өчигдөр Солонгос улсаас уригдан ирсэн эмч нар Дундговь аймгийн 300 гаруй ахмад настанд үйлчиллээ. Өнгөрсөн жил Эрдэнэдалай сумын 400 шахам ахмадад хараа зүйн оношлогоо хийн тохирох шилийг олгосон бол энэ жил аймгийн төв Сайнцагаан суманд зохион байгуулсан энэ үйл ажиллагаанд Сайнцагаан, Дэлгэрхангай, Гурвансайхан, Луус зэрэг сумын 300 гаруй ахмад хамрагдан хараагаа оношлуулж нүдний тохирох шилийг үнэ төлбөргүй авч сахарын хэмжээгээ тодорхойлууллаа. Энэ үйл ажиллагаанд Ардчилсан намын дарга Ц.Мөнхбат, АН-ын Үндэсний бодлогын хорооны гишүүн Л.Данзанноров, аймгийн АН-ын Хэрэг эрхлэх газрын дарга  Б.Лхагвамандал,
Сайнцагаан сумын АН-ын дарга С.Бат-Оргил, Ардчилсан Ахмадын хорооны дарга С.Пүрэвсүрэн нар оролцон зохион байгуулж мөн өдрөө амжилттай өндөрлөлөө.
Манай ахмадуудад үнэ төлбөргүйгээр олгосон эдгээр шил нь олон улсын эрүүл ахуйн стандартыг хангасан, зах зээл дээр манай ханшаар нэг бүр нь 60000 орчим төгрөгөөр үнэлэгддэг аж.
Манай ахмадуудад үнэ төлбөргүй үйлчилгээ үзүүлэхээр олон мянган бээрийн чанадаас уригдан ирсэн Солонгос эмч нарын авчирсан нүдний шилийг Монголын гааль хураан авч саатуулснаас бараагаа авах гэж цаг алдаж үзлэг товлосон цагаас 3-4 цагаар оройтож эхэлсэн ч зорилгоо хангалттай биелүүллээ.