МОНГОЛЫН ЭМЭГТЭЙЧҮҮДИЙН ХОЛБООНЫ ДУНДГОВЬ АЙМАГ ДАХЬ САЛБАР ЗӨВЛӨЛИЙН ДАРГААР З.АЛИМЦЭЦЭГ СОНГОГДЛОО

Монголын эмэгтэйчүүдийн холбооны Дундговь аймгийн салбар Зөвлөлийн чуулган "Хүчирхийллийн эсрэг хүн бүрийн оролцоо” сэдвийн хүрээнд боллоо. Чуулганд МЭХ-ны Ерөнхийлөгч Б.Оюунгэрэл, аймгийн ИТХ-ын дарга С.Сүхбаатар, Засаг дарга О.Бат-Эрдэнэ нар оролцож үг хэллээ. Чуулган аймгийн Зөвлөлийн дарга Л.Дэнсмаагийн "Дурсамж” мэдээллийг сонсч МЭХ-ны Ерөнхийлөгч Б.Оюунгэрэл "Хүчирхийллийн эсрэг хүн бүрийн оролцоо-эмэгтэйчүүдийн үүрэг, хариуцлага” сэдвээр лекц уншлаа. Мөн МЭХ-ны болон аймгийн Засаг даргын шагналаар тэргүүний эмэгтэйчүүдийг шагнав.
Чуулган зохион байгуулалтын асуудал хэлэлцэн аймгийн салбар зөвлөлийн тэргүүлэгч 21 хүний бүрэлдүүнтэй сонголоо. Тэргүүлэгчдийн бүрэлдүүнд 15 сумын Эмэгтэйчүүдийн зөвлөлийн дарга нараас гадна  Л.Дэнсмаа, Ц.Сувдантуяа, Д.Алтантогос, З.Алимцэцэг, М.Туяацэцэг, Ж.Өлзийжаргал нар орсон байна. Тэргүүлэгчдийн хурлаас аймгийн салбар зөвлөлийн даргаар Занабазарын Алимцэцэг сонгогдов. З.Алимцэцэг нь "Зоогийн бор овоо” ХХК-ны захирлаар ажилладаг юм.
                Чуулганы дараа "Эмэгтэйчүүдийн Эдийн засаг дахь оролцоо”  "Тогтвортой хөгжил ба эмэгтэйчүүд” "Бие даахуй ба бусдад туслах нь” сэдвээр  сургалт болж ТХДЖТ-ын уран бүтээлчдийн хүндэтгэлийн концерт тоглов.