ЭНЕРЖИ РЕСУРС КОМПАНИЙ САНХҮҮЖИЛТЭЭР НЭГДСЭН ЭМНЭЛЭГТ 77,6 САЯ ТӨГРӨГИЙН ТОНОГ ТӨХӨӨРӨМЖ НИЙЛҮҮЛЛЭЭ

Дундговь аймгийн Нэгдсэн эмнэлэгт Энержи ресурс компаний 77,6 сая төгрөгийн санхүүжилтээр "Эрүүл үрс гэрэлт ирээдүй” Төрийн бус байгууллага   нярай хүүхдийн эмчилгээний нэн чухал шаардлагатай тоног төхөөрөмжийг хүлээлгэн өглөө.  "Энержи ресурс” компаниас Говийн бүсийн аймгийн эмнэлгүүдэд хэрэгжүүлж байгаа төслийн хүрээнд нийлүүлсэн эдгээр тоног төхөөрөмжийг тухайн эмнэлэг улсын төсвийн хязгаарлагдмал хөрөнгөөр худалдан авах боломжгүй юм. 
            Эдгээр төхөөрөмжийг тус эмнэлэгт нийлүүлснээр нярайн эндэгдлийг бууруулах  нөхцөл бүрдлээ  гэж Дундговь аймгиийн Нэгдсэн эмнэлгийн дарга Х.Жаргал ярихдаа:
            -Эдгээр төхөөрөмжийг нийлүүлэхийн тулд "Эрүүл үрс-гэгээн ирээдүй” ТББ-аас Дундговьд ирж судалгаа хийсэн. Судалгааны үр дүнд хүүхдийн эндэгдлийн зонхилох         нь нярайн үедээ гардгийг  тогтоосон.  Ингэснээр ургийн гажиг хөгжлийг эрт оношлох, төрөх үеийн бүтэлтийн     үед  үзүүлэх эмнэлгийн тусламжид шаардагдах болон  Бодисын солилцооны эмгэгтэй хүүхдэд хүчил, суурийн тэнцвэрийг тогтоох нэн шаардлагатай төхөөрөмжөөр хангагдлаа. Нийгмийн хариуцлагын хүрээнд  энэ том хөрөнгө оруулалт хийсэн Энержи ресурс компани, "Эрүүл үрс Гэрэлт ирээдүй” ТББ-ын хамт олонд баярлалаа”” гэлээ
            Төхөөрөмжийг хүлээлгэн өгөх ёслолд "Эрүүл үрс гэрэлт ирээдүй” Төрийн бус байгууллагын гүйцэтгэх захирал Бат-Энх, албаны бусад хүн оролцож уул төхөөрөмжий нийлүүлэх,  ашиглалтын үеийн сургалт, засвар үйлчилгээг хэрхэн зохицуулах тухай  гэрээнд хоёр тал гарын үсэг зурлаа.