ТӨРӨЛХ СУМАА ЦЭЦЭРЛЭГЖҮҮЛЖ ЯВАА НУТГИЙН ХҮҮ

 "Байгаль, эх дэлхийгээ аврах тэнгэрлэг аян”-г Өндөршил сумын уугуул, тус сумын ИТХ-ын Тэргүүлэгчдийн анхны дарга нарын нэг, сэтгүүлч Дамдинсүрэнгийн Наранцогт санаачилсан юм.  Д.Наранцогт   үндэсний хэмжээнд төдийгүй дэлхийгээр тарсан  Монгол туургатны  хүрээнд энэ аянаа өрнүүлж байгаа ч төрөлх нутгаа энэ аянд хамруулан анх 2010 онд 2000 мод тарьж саад байгуулйсан юм.. Түүнээс хойш жил бүр  нутагтаа зориуд ирж нэмж мод тарьж байна. Энэ жил Д.Наранцогт  Өндөршил сумын төвд өөрийн байгуулсан цэцэрлэгт 600 орчим сухайн мөчир, 100 шар хуайс, 100 голт борын бут нэмж тарихаар очоод ажлаа эхэлжээ.  Шар хуайс, харгана, хайлаас, улиас, мөнгөлөг улиас, нарс, арц, голт бор, чацаргана...зэрэг мод  навч нахиагаа дэлгэн урган төлжиж өсөн үржиж байгааг харан сэтгэлийн таашаал авдаг Д.Наранцогтын буянт үйлсийн нэгхэн хэсэг нь энэ билээ.  С.ПҮРЭВСҮРЭН