ДУНДГОВЬД ГАМШГААС ХАМГААЛАХ КОМАНД ШТАБЫН СУРГУУЛЬ ӨНӨӨ ӨГЛӨӨНИЙ 7 ЦАГТ ЭХЭЛЛЭЭ

 Өнөө өглөөний 7 цагт Мандалговийн төв талбайд Аймгийн Засаг дарга Монгол улсын Шадар сайдтай байгуулсан үр дүнгийн гэрээнд тусгагдсаны дагуу Дундговь аймагт зохион байгуулагдаж байгаа гамшгаас хамгаалах "Команд штаб”-ын сургуулийн нээлтийн үйл ажиллагаа боллоо.
Нээлтэд Онцгой байдлын ерөнхий газрын дэд дарга, сургуулийн удирдагч, хурандаа Б.Ууганбаяр, гамшгаас урьдчилан сэргийлэх газрын хэлтсийн дарга, штабын дарга дэд хурандаа Д.Бат-эрдэнэ,  аймгийн Засаг дарга О.Бат-эрдэнэ, болон холбогдох агентлагийн дарга, удирдлагууд оролцлоо.
Тус дадлага сургуульд аймгийн Онцгой комисс болон гамшгаас хамгаалах 13 алба, тусгай зориулалтын 14 мэргэжлийн анги, 300 орчим техник хэрэгсэл, 5000 орчим багаж зэвсэглэмжтэйгээр оролцож байна. Команд штабын сургууль урьдчилан боловсруулсан төлөвлөлтийн дагуу үргэлжилж байгаа бөгөөд маргааш орой  энэ сургуулийн амжилт ололт, алдаа оноо, сургамжийг хэлэлцэн дүнгээ гаргаснаар өндөрлөх юм.