ГУРВАНСАЙХАН, ЭРДЭНЭДАЛАЙ СУМАНД КОМАНД, ШТАБЫН СУРГУУЛЬ БОЛОВ

Дундговь аймгийн засаг даргын 2019 оны 03-р сарын 22-ны А/120 дугаар тоот захирамжийн дагуу 5-р сард Дундговь аймагт зохион байгуулагдах "Команд штабын сургууль-”ийн бэлтгэл ажлын хүрээнд Гурвансайхан, Эрдэнэдалай суманд Гамшгаас хамгаалах "Команд штабын сургууль”-ийг амжилттай зохион байгууллаа.
Дадлага сургуулиар сумын Онцгой комисс, мэргэжлийн ангийн бүрэлдэхүүний аврах ажиллагааны тактик сургууль, хээрийн гаралтыг зохион байгуулж хувийн болон техник хэрэгсэл багаж зэвсэглэмжийн бэлтгэл бэлэн байдал, гамшгаас хамгаалах төлөвлөгөөний хэрэгжилтийг шалгаж "Гамшгаас хамгаалах тухай, Галын аюулгүй байдлын тухай хууль”, "Гамшгийн тухай ойлголт”, "Анхны тусламж”-ын сэдвээр танхимын сургалтыг явуулж мэргэжил арга зүйн заавар зөвлөмж өглөө.

Команд штабын сургуульд сумын Онцгой комисс, мэргэжлийн ангийн 150 орчим алба хаагч 30 машин техник, 25 нэр төрлийн 300 орчим багаж зэвсэглэмжтэйгээр оролцлоо  гэж Дундговь аймгийн Онцгой байдлын газраас мэдээллээ