"ХҮРЭЭЛЭН" ТӨСӨЛ ЦАГААН СУВАРГА, ДЭЛ УУЛАНД АЖИЛЛАВ

"Хүрээлэн" төслийн бүрэлдүүн Дундговь аймгийн Өлзийт сумын нутаг, Цагаан суварга, Дэл уулын орчинд "Говийн таван гайхамшиг" төсөл дээр ажиллав. Энэ бүрэлдүүнд яваа Монгол улсын Соёлын гавьяат зүтгэлтэн , шог зураач Самандарын Цогтбаяр цахим хуудсандаа "Дэл" уулын хадны дүрс зургуудын талаар урьд зөндөө сонсож ном товхимол дээрээс олонтаа харж байсан үзэх хувь тохиосонгүй байсаар 100-ын талыг хэдийнээ барж. Хүрээлэн төслийн буянаар мэлмийгээ баясгаж сэтгэлээ хөглөх аз тохиосон нь энэ бөлгөө. Нийт одоогоор олдож судлагдаад байгаа хадны зураг дүрсийн тоо хэдийнээ 5000 хол давжээ. Цаашид хэд ч олдохыг таах аргагүй. Адууны зассан дэл шиг чулуужсан судрын хуудсууд хэсэг хэсгээрээ бидний өмнө нээгдэж 3 мянганы туршид дотроо шингээн бичсэн асар их баялаг агуу түүхийг бидний сонорт хээрийн салхиар дамжуулан шивэгнэн хүүрнэсээр л байна" хэмээн дуу алдан бичсэн байна.  Энэ багийн фото мастерууд дрон нисгэж, дуран сунгаж ёстой техник, аппарат хэрэглээр "Зодож" урын сангаа ихч баяжуулсан бололтой. Тэдгээр зургаас энд зөвшөөрөлгүйгээр нийтэлсэндээ хүлцэл өчье.

 

 

 

 

 

 

 

 

 

 

 

 

 

 

С.ПҮРЭВСҮРЭН