ЗАР »
АЯЛАЛ ЖУУЛЧЛАЛЫН САЛБАРТ ДЭМЖЛЭГ ХЭРЭГТЭЙ БАЙНА
Дундговь аймгийн нутаг дэвсгэрт аялал жуулчлалын салбарын Зөвлөлдөх уулзалтыг тус аймгийн БОАЖГ-аас Мандалговьд зохион байгууллаа. Зөвлөлдөх уулзалтанд тус аймгийн нутаг дэвсгэрт аялал жуулчлалын үйл ажиллагаа явуулдаг аж ахуйн нэгжийн удирдлага, иргэд оролцсон юм. Зөвлөлдөх уулзалтанд оролцогчид аялал жуулчлалын бизнес эрхлэгч нарт төрийн дэмжлэг хэрэгтэй байгаа, аялал жуулчлалын бүс нутагт хүрэх замыг засч сайжруулах, хувиараа гэрт жуулчин авч нүүдэлчин малчдын амьдрал ахуйг сурталчилдаг малчдыг дэмжих, Их хаад, түүхэн хүмүүст холбогдох газрууд, Дэл уул, Ярхын соёл зэрэг түүх, соёлын дурсгал бүхий газрыг түшиглэн аялал жуулчлалын бүтээгдэхүүн бий болгох, жуулчдын сонирхол татах эвент үйл ажиллагааг аймаг орноос төлөвлөн далайцтай зохион байгуулж байх асуудлыг тал бүрээс нь ярилцаж санал солилцлоо. Зөвлөлдөх уулзалтанд аймгийн Засаг дарга О.Бат-Эрдэнэ оролцож аялал жуулчлалын салбарынхны санал хүсэлтийг сонсч тал бүрээр дэмжин ажиллахаа илэрхийллээ. Мөн аймгийн Мэргэжлийн хяналтын албаны Улсын байцаагчид сургалт явуулсан юм.
С.ПҮРЭВСҮРЭН
Санал болгох
Сэтгэгдэл бичих
АНХААРУУЛГА: Уншигчдын бичсэн сэтгэгдэлд www.Dundgovi.mn сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг устгах эрхтэй!
