ӨВС ТЭЭВЭРЛЭХ БҮТЭЭМЖИЙГ ИНГЭЖ ДЭЭШЛҮҮЛВЭЛ...

БНХАУ-ын ӨМӨЗО-ны Шилийн гол аймагт "Байгаль, эх дэлхийгээ аврах тэнгэрлэг аян"- ТББ-ын шугамаар сурвалжлах ажлаар яваад ирлээ. Эрээнээс Шилийн хот орох замд өвс тээврийн цуваа хөврөх шиг болж байна.  Энэ нь ирэх өвлийн  мал аж ахуйн "Үүц" юм даа.  Нэг машинд ердийн ачилтаас 3-4 дахин их багтаамжтай ачдаг энэ технологийг Шилийнгол нутагт өргөн ашигладаг юм байна. Энэ нь машины тэвшний гурван талыг буулган ёроолтой нь тэгш байрлалд бөх гэгч бэхлээд 40-45 кг-аар боосон өвсийг зурагт үзүүлснээр ачихад  нэг машины үндсэн даацыг бүрэн ашиглаж 70-80 тонн өвс багтдаг гэнэ. Харин манайхны ачдаг ердийн технологиор ачвал тухайн машины даацын 25-35 хувиас илүүг ашигладаггүй аж. Мөн ачилтын энэ технологи  ачааг хэт өндөрлөөгүй  тул савалт багатай, техникийн осол гарах эрсдлийг бууруулдаг сайн талтай юм.

С.ПҮРЭВСҮРЭН