"ТОГТВОРТОЙ МАЛ АЖ АХУЙ-2018" МАЛЧДЫН ЗӨВЛӨГӨӨН ЭХЭЛЛЭЭ

Дундговь аймгийн төв Мандалговьд "Тогтвортой мал аж ахуй-2018" малчдын зөвлөгөөн эхэллээ. Зөвлөгөөний хамгийн ахмад төлөөлөгч нь Монгол улсын Хөдөлмөрийн баатар Бямбын Дашзэгвэ гуай байна. Тэр өдгөө 86 нас зооглоод байгаа юм. Зөвлөгөөнд аймгийн  Мал мал аж ахуйн өнөөгийн байдлын тухай илтгэлийг Засаг дарга О.Бат"Эрдэнэ, Мал аж ахуйн өмнө тулгамдсан асуудлыг шийдвэрлэх арга замын талаар аймгийн Хүнс, Хөдөө аж ахуйн газрын дарга Б.Мөнхжаргал илтгэл тавив.  Мөн Малын гинетик нөөцийн тухай хуулийг хэрэгжүүлэх талаар ХХААХҮ-ийн яамны газрын дарга Д.Батсүрэн илтгэсэн юм. Монгол улсын Хөдөлмөрийн баатар Б.Дашзэгвэ залуу малчдад сургамж, арга туршлага болох сонирхолтой  илтгэл тавив. Тэргүүний малчдыг яам, аймгийн шагналаар шагнав. Мөн Монгол улсын Засгийн газраас аймгийн 66 багийн Засаг дарга нарт зөөврийн компвютер бэлэглэснийг гардуулав. Зөвлөгөөн үргэлжилж байна. Зөвлөгөөний төлөөлөгчдийн дийлэнх цагаан сийрсэн малгай өмссөн нь ийм малгай малчдын дунд тренд болоод байгаагийнх бололтой.