Дундговь аймгийн ойролцоо хонины цэцэг өвчний голомт үүсчээ

Голомтын бүс нь аймгийн төвөөс урагш 18 орчим км- т байгаа бөгөөд энэ бүсэд хамаарч байгаа айл өрхийн малд Цагаандэлгэр  сумаас 12 мянган тун вакцин татан авчирч хийгээд байна. Цаашид 85- 90 мянган тун вакцин шаардлагатай байгаа ажээ.

Өнөөдрийн байдлаар голомтын бүс нутагт 4 пост ажиллуулж, аймгийн төвийн хүнсний захад гарал үүслийн бичиггүй мах худалдан борлуулахыг хориглоод байгааг Сайнцагаан сумын Засаг даргын орлогч С. Түвшинжаргал хэллээ.

Цэцэг өвчний шинж Үйзэн багийн хоёр айлын хонин сүрэгт илэрсэн бөгөөд дээжийг Улсын мал эмнэлэг, ариун цэврийн төв лаборторит явуулсан. Хариу хараахан ирээгүй боловч мэргэжлийн байгууллагын тодорхойлсноор хонины цэцэг өвчин  мөн гэдэг нь тогтоогдсон тул  цаг алдалгүй яаралттай арга хэмжээг авч байгаа ажээ.

Үйзэн багийн нутаг дахь голомтын бүсээс гадна дахин өөр хэсэгт 36 хонинд, мөн  Наран багийн нутагт ч цэцэг өвчний шинж илэрсэн байна.

Т. Отгонтуяа