Өлзийт сум малчдад үнэгүй олгож буй өвсийг сумын төвд татахгүй

Монгол улсын Засгийн газрын 480-р тогтоолын дагуу улсын нөөцөд 2011-2013 онуудад бэлтгэсэн өвсийг малчдад үнэгүй олгохоор шийдвэрлэсэн билээ. Уг шийдвэрийн дагуу сумд өөрт ногдсон өвсөө татан авах ажил хийж байна. Тэгвэл Өлзийт сумын малчид өвсөө сумын Засаг даргын цохож өгсөн бичгийн дагуу аймгийн төвөөс ирж авахаар болсон байна.

Учир нь Өлзийт сумын цас ихтэй 1,2,5-р багийн хойд талын 250-аад өрхөд, өрх бүрийн 2 боодол өвс үнэгүй өгөхөөр хувиарласан байна. Эдгээр багийн малчид аймгийн төвд ирж өвсөө татах зохицуулалтыг сумын удирдлагын зүгээс хийсэн нь 1,2,5-р багийн айлуудын хүүхдүүд дийлэнх нь аймгийн сургуульд сурдаг, тэд ихэнхдээ аймгаас ахуйн хэрэглээгээ залгуулдаг, тухайн багууд цас ихтэйн улмаас сумруу явах зам хагараагүй гэх зэрэг шалтгааны улмаас аймгаас өвсөө авахаар болоод байна. Ирэх баасан гаригаас эхлэн сурагчдын амралт эхэлнэ. Тиймээс малчид айл хотлоороо нийлээд хүүхдээ авахаар ирэхдээ өвсөө авчих бололцоотой гэдгийг сумын Засаг дарга И.Эрдэнэбилэг хэллээ.