МОНГОЛ УЛСЫН АРДЫН БАГШ Д.ТӨМӨР ДЭРЭН СУМЫН СУРГУУЛЬД ӨӨРИЙН ХӨДӨЛМӨР АЛДРЫН ТАНХИМЫГ ТОХИЖУУЛЖ ХҮЛЭЭЛГЭН ӨГЛӨӨ

Дэрэн сумын Ерөнхий боловсролын сургууль нь Монгол улсын Ардын багш Далхсүрэнгийн Төмөрийн нэрэмжит билээ. Монгол улсын Ардын багш Д.Төмөр  гэр бүл, өөрийн төрсөн дүү Б.Бээжинхүү, Д.Наваантаяа, Д.Батцоож нарын хамт Дэрэн суманд өчигдөр /2019.12.17/ хүрэлцэн ирж тус сургуульд өөрийн  Хөдөлмөр алдрын түүхэн танхимыг иж бүрнээр тохижуулснаа өчигдөр тус сургуульд хүлээлгэн өглөө.  Энэхүү танхим нь Монгол улсын Ардын багш Д.Төмөрийн ажил, амьдрал, гавьяат үйлсийн түүхэн замнал, бүтээл туурвилыг харуулж өвөрмөц, сонирхолтой  дизайн зохиомжоор дэглэж байрлуулсан ном, товхимол, бүтээл туурвил,
самбар үзүүлэн, баримтат богино хэмжээний кинонууд, эд өлгий зүйл... зэргээс бүрдэх агаад хүүхэд багачуудыг  Ардын багшийн үлгэр дууриал, хөдөлмөрч түүхэн замналаар хүмүүжүүлэхэд асар ач холбогдолтой юм. Монгол улсын Ардын багш Д.Төмөр Энэ үйл ажиллагаанд Дундговь аймгийн Засаг дарга О.Бат-Эрдэнэ, Нийгмийн бодлогын хэлтсийн дарга А.Нарантуяа, БСУГ-ын дарга Ц.Бумангэрэл нар оролцсон байна. С.ПҮРЭВСҮРЭН