А.ДЭЛГЭРМАА ШАВЬ НАРЫНХАА АМЖИЛТААР ДУНДАД УЛСАД ГАЙХАГДАЖ БАЙНА

 Дундговь аймгийн "Тэнгэрийн тэмдэг” хүүхдийн театрын драмын багш А.Дэлгэрмаа БНХАУ-ын ӨМӨЗО-ны Шилийн гол аймгийн зарим хошуу, Эрээн, Ордос хотод хүүхэд багачуудын дунд жүжгийн дугуйлан хичээлллүүлж олон арван бяцхан шавьтай болоод байгаа юм. Түүний шавь нар Дундад улсын бүх орны  "Шандын эгшиг” уран уншлагын уралдаанд гайхамшигтай амжилт гаргасан байна.
А.Дэлгэрмаа "Үнэхээр сэтгэл догдлоод уйлахгүй байж чадсангүй ээ... Дундад улсын бүх орны ШАНДЫН ЭГШИГ уран уншлагын шийдвэрт улсын уралдаанд Ар хорчин дахь шавь Нахиа /Тэргүүн байр/ Амжилта /тэргүүн байр/ Номин/дэд/ Бат орших/тэргүүн/ Эрээн дахь сургуулийн шавь Чинбай/3-р байр/ Мишээл/дэд байр/ Урлаг/ тэргүүн байр/Ордос дахь сургуулийг уйланхай шавь Аяруу 3-р байр нар маань бүгд нас насныхаа ангилалд тэргүүн, дэд, гутгаар байрыг эзэллээ...Нэгэн зорилго мөрөөдөл маань биелж бид чадлаа.  Энэ сайхан мэдээг хуваалцахгүй өнгөрч чадсангүй ээ. Үнэхээр үнэхээр их баярлаж хүүхдүүдээрээ бахархаж байна. Загнуулж зэмлүүлж уйлалдаж нус, нулимс, хөлс шүлстэйгээ зууралдсаны шагнал энэ юм даа....   "Монгол эмэгтэй яаж ажилладгийг харуулаад үзүүлээд өгөөрэй” гэсэн хүмүүст энэ амжилт маань хариу барьлаа” хэмээн цахим хуудсандаа бичсэн байна.   А.Дэлгэрмаа кирилл, босоо монгол үсгээр хэд хэдэн ном хэвлүүлэн өмнөд хөршийн зах зээлд гаргасан нь борлуулалтаараа тэргүүлсэн билээ.