МОСКВАГИЙН ХӨДӨЛМӨР ХАМГААЛЛЫН АКАДЕМИЙН 100 ЖИЛИЙН ОЙД М.ЭНХБАТ УРИЛГААР ОРОЛЦООД ИРЛЭЭ

Москвагийн Хөдөлмөр хамгааллын академи 100 жилийн ойгоо тэмдэглэлээ. Зууны түүхтэй энэ сургуульд орон орны Үйлдвэрчний хөдөлгөөний зүтгэлтгүүдийг олон арван жилийн турш бэлтгэж ирсний дотор Монголын Үйлвэрчний Эвлэлийн үе үеийн боловсон хүчнүүд суралцан төгссөн юм. Тэдний дотор Дундговь аймгаас ч суралцан төгсөгчид бий.  Тус сургуулийн 100 жилийн ойд Монгол улсаас ахмад төгсөгчдийн төлөөлөл урилгаар оролцоод ирлээ. Төлөөлөгчдийг Монголын Үйлдвэрчний Эвлэлийн Ерөнхий нарийн бичгийн дарга, УИХ-ын гишүүн асан Г.Адьяа тэргүүлж МҮЭ-ийн Үйлдвэрлэлийн Үйлдвэрчний эвлэлийн холбооны нарийн бичгийн дарга М.Энхбат нарын ахмад төгсөгч бүрэлдүүнд нь орсон байна.