МЭРГЭЖЛИЙН ХЯНАЛТЫН ЕРӨНХИЙ ГАЗРЫН НЭГДСЭН ШАЛГАЛТ ДУНДГОВЬД ЭХЭЛЛЭЭ

        МХЕГ-ын 2019 оны төлөвлөгөө ёсоор Дундговь аймагт нэгдсэн шалгалт эхэлж тавдугаар сарын 20-31-ны өдрүүдэд үргэлжилж байна. МХЕГ-ын дэд дарга Г.Сугарбатаар ахлуулсан томоохон бүрэлдүүн уул, уурхай, байгаль орчин, барилга авто зам, дэд бүтэц, ШТС,  худалдаа, үйлчилгээ, , нийгмийн хамгаалал, хөдөлмөрийн харилцаа, хөдөлмөрийн эрүүл ахуй, эрүүл мэнд, боловсрол, соёл, мал эмнэлэг, мал үржил... гээд хяналтын бүх л чиглэлийг хамрах удирдамжийн дагуу таван баг болон сумдад ажиллаж байна.  Өмнөх онуудад тус аймагт хийсэн шалгалтад хамрагдсан объетуудаас 49 нь дунд, 109 нь эрсдэлтэй үнэлэгдэж байжээ.  Энэхүү шалгалтын зорилго нь илэрсэн зөрчил, дутагдлыг арилгах, мэргэжил, арга зүйн зөвлөгөө өгөх, цаашид авах арга хэмжээний санал боловсруулахад чиглэх бөгөөд зөвлөн туслах, хянан шалгах, тандан судлах, сургалт зохион байгуулах аргаар шалгалтыг явуулна гэдгээ МХЕГ-ын Г.Сугарбат мэдэгдлээ. Энэхүү төлөвлөгөөт, эрсдэлд суурилсан хяналт шалгалтыг МХЕГ-ын болон аймгийн МХГ-ын улсын байцаагч, ахлах байцаагчид хамтран явуулж байна.