АН-ЫН ҮНДЭСНИЙ БОДЛОГЫН ХОРООНЫ ГИШҮҮНД НЭР ДЭВШИГЧДИЙГ МАРГААШ СОНГОНО

Ардчилсан намын дотоод сонгууль 2019 оны гуравдугаар сарын 24-нд буюу маргааш болно. Дундговь аймгийн Ардчилсан нам Үндэсний бодлогын хороонд найман суудлын квоттой бөгөөд энэ жил  хоёр суудал ротацад орон  шинээр гишүүнийг сонгох юм. Энэ суудалд байсан Кекушюзан Д.Батбаяр, Б.Сүрэнжав нар энэ ротацаар хасагдан энэ хоёр суудлын төлөө   Нийслэлийн Сүхбаатар дүүргийн ИТХ-ын дарга Эрдэнийн Ганбат, "Монгол өмгөөлөгч" хууль зүйн фирмийн үүсгэн байгуулагчийн нэг, өмгөөлөгч Лхагвын Данзанноров,  Дундговь аймгийн Ардчилсан намын Хэрэг эрхлэх газрын дарга Бямбаагийн Лхагвамандал нар өрсөлдөж байна. Нэр дэвшигчид өчигдөр аймгийн төвд Ардчилсан намын төв, хөдөөгийн гишүүдийн төлөөлтэй уулзан сурталчилгаагаа хийж өнөөдөр орон нутагт ажиллаж байна.  Энэ гурван нэр дэвшигчээс хоё гишүүнээ  Үндэсний бодлогын хороонд сонгоно.  Хэн хэн сонгогдохыг  маргаашийн сонгууль шийднэ.