МОНГОЛ ЦЭРГИЙН БАЯРЫН НЭРЭМЖИТ ШАГАЙН ХАРВАА МАНДАЛГОВЬД БОЛЛОО

Монгол цэргийн баярт зориулсан Шагайн харваа Мандалговьд боллоо. 12 баг оролцсон энэ харваанд шагайчид багийн болон хувийн гэсэн хоёр ангилалаар өрсөлдсөн юм.  Багийн харваанд Эрдэнэс таван толгой компаний Э.Алтанцог ахлагчтай баг тэргүүлэн Алтан медаль хүртэж Д.Сандаг, Р.Цэрэндорж ахлагчтай баг удаах байранд орж мөнгө, хүрэл медалийн эзэд боллоо. Хувийн амжилтаар С.Отгонбаатар алтан медаль хүртэн Т.Энхбаатар, Ч.Мөнхбаясгалан нарт мөнгө, хүрэл медаль очсон юм. Дундговь аймгийн Шагайн товчооны дарга Б.Нармандах энд шагайчдад баяр хүргээд аймгийн удирдлага  манай холбоонд анхаарал хандуулж тусгай байр эзэмшүүлэхээр болсныг мэдэгдлээ.  Мөн Шагайн харвааны аймгийн аварга шалгаруулах тэмцээний товыг тогтоох, бэлтгэл зохион байгуулалтыг хангах талаар ажиллаж байна гэлээ.  Шагайн харвааны тэмцээний шагнал гардуулахад тус аймаг дахь Зэвсэгт хүчний
278 дугаар ангийн удирдлага оролцон баяр хүргэсэн юм.
С.ПҮРЭВСҮРЭН