ШИНИЙН НАЙМНЫ ШАГАЙН ХАРВААГ АРДЧИЛСАН НАМ ЗОХИОН БАЙГУУЛАВ

Хаврын тэргүүн сарын шинийн найманд газар газрын харваачид цуглан уухай хадаан цэц мэргэнээ сорин өрсөлддөг дээр үеийн уламжлал бий. Тэгвэл "Урвуулагч” хэмээх шороон гахай жилийн шинийн наймны билэгт сайн өдөр  уламжлалт шагайн харвааг Дундговь аймгийн төв Мандалговьд Ардчилсан Намын  нэрэмжит болгон зохион байгууллаа.
                Ардчилсан намын нэрэмжит шагайн  багийн харваанд  Монгол улсын үлэмж дархан мэргэн Бумбаа ахлагчтай баг тэргүүлж Монгол улсын үлэмж дархан мэргэн Отгонбаяр ахлагчтай Дорноговь аймгийн баг дэд байр,  Аймгийн гоц мэргэн Р.Цэрэндорж ахлагчтай баг 2-р байр эзлэсэн бол Хувийн цуьаа харваанд Монгол улсын үлэмж дархан мэргэн Хашхүү тэргүүлж Өлзийбаяр дэд байр, Монгол улсын үлэмж дархан мэргэн, Дорноговийн  Бүддорж 3-р байранд оржээ. Харин  Өсвөрийн буюу хүүхдийн хувийн харваанд Дэрэн сумын Шинэ-Од түрүүлж, Говь-Угтаал сумын Идэрболд,  Луус сумын Баянмөнх нар удаах байранд орлоо.  Мөн ахмадын харваа бууны төрлөөр үргэлжилсэн юм. Энэ үеэр болсон Ардчилсан намын гишүүд дэмжигчдийн золголтод УИХ-ын гишүүн Б.Наранхүү ирж оролцсон тухай өмнө нь мэдээлсэн билээ.