ДУНДГОВИЙН ГУРВАНСАЙХАНЫ ШИНЭЧЛЭЛИЙН ТУРШЛАГА ЗАВХАНЫ АЛДАРХААНД ХЭРЭГЖИХ НЬ

Дундговь аймгийн Гурвансайхан сумын төвийн иргэдийн оролцоотой шинэчлэлийг Хөвсгөл аймгийн Эрдэнэбулган, Төв аймгийн Заамар, Завхан аймгийн Алдархаанд хэрэгжиж эхэллээ. Эдгээр сумын төвийн шинэчлэлийн төслийг  Гурвансайхан суманд шинэчлэлийн удирдагч Р.Эрдэнбүрэнгийн SD зөвлөх үйлчилгээний компани боловсруулж, Р.Эрдэнэбүрэн газар дээр нь очин төслөө танилцуулах ээлжит уулзалтаа хийлээ. Завхан аймгийн Алдархаан суманд болсон энэ уулзалтад УИХ-ын гишүүн З.Нарантуяа оролцсон байна. УИХ-ын гишүүн З.Нарантуяа энэ үеэр "Бид Алдархаан сумын шинэчлэлээ алсын хараатай төлөвлөж, гудамж, зам, инженерийн дэд бүтэц, шинэ суурьшлын болон аж үйлдвэрийн бүсүүдийг бий болгож сумандаа аятай тухтай, ажлын байртай, чанартай боловсрол, эрүүл мэндийн үйлчилгээ авч чаддаг орчин үеийн шинэ сумын төв болгож хөгжүүлэхээр зорин ажиллаж байна. Цаашдаа Улиастай хотын дагуул хот, аялал жуулчлал, аж үйлдвэрийн төв болгохоор төлөвлөөд байгаа.
Бидний зөвлөхөөр Дундговь аймгийн Гурвансайхан сумаа шинэчилсэн мэргэжлийн баг хамт олон ажиллаж байна" гэж цахим хуудсандаа бичжээ.Энэ тухай гэрэл зургуудыг сонирхуулъя.