МАНДАЛГОВЬД ОРОС ХЭЛНИЙ ТӨВ НЭЭГДЛЭЭ

Монгол, Оросын найрамдлын сарын хүрээнд зохион байгуулагддаг Орос хэлний олимпиадад шалгарагсдад шагнал гаруулах ёслол Мандалговьд боллоо.   Ёслолд ОХУ-аас Монгол улсад суугаа Элчин сайдын яамны нэгдүгээр нарийн бичгийн дарга, Улаанбаатар дахь Оросын Шинэлэх ухаан, соёлын төвийн захирлын үүрэг гүйцэтгэгч Татвяна Чагдуровна Будаева , Орос улсад сургууль төгсөгчдийн Монголын холбооны гүйцэтгэх үахирал Ё.Максимов нар оролцлоо.
 Орос хэлний олимпиадад тэргүүлсэн шилдгийн шилдэг багш  ГИЦС-мйн багш С.Ариунаа, удаах байр эзлэсэн дарааллаар Д.Батмөнх \ЭДЦС\  Б.Урансайхан \Цэгцбилиг\ Д.Аравхаан \Цэгц билиг\ Д.Нандинчимэг\Хүмүүнлэг\  Мажигсүрэн нарт ОХУ-ын аль нэг дээд сургуульд мэргэжил дээшлүүлэх эрх бүхий диплом гардуулсан юм. Мөн энэ олимпиадад түрүүлсэн ЭДЦС-ийн сурагч Т.Номин-Эрдэнэ  ОХУ-ын топ зургаан их, дээд сургуулийн аль нэгэнд 2019-2020 оны хичээлийн жилээс тэтгэлгээр суралцах эрх бүхий диплом гардан авсан юм.  Т.Номин-Эрдэнийг олимпиадад бэлдүүлсэн багш нь Б.Урансайхан  юм.
 Орос улсад сургууль төгсөгчдийн холбооны Дундговь аймгийн салбарын тэргүүн М.Энхбат "Монгол, Оросын найрамдлыг бэхуүүлэхийн төлөө” медалиар шагнагдсан бол зарим багш нарыг  МЗНН-ийн 70 жилийн ойн медалиар шагналаа.
Энэ өдөр Дундговь аймаг дахь Орос хэлний төвийг ГИЦС-ийг түшиглэн байгуулж үйл ажиллагааг эхлүүлсэн юм. Энэ ёслолд  Дундговь аймгийн ЗДТГ-ын дарга Ц.Эрдэнэсүрэн, аймгийн БСУГ-ын албаны дарга Л.Оюунбаяр нар оролцов.
С.ПҮРЭВСҮРЭН