ДЭЛХИЙН ТОП ДЭЭД СУРГУУЛЬ ТӨГСӨГЧИД МАНДАЛГОВЬД ЛЕКЦ УНШЛАА

Хуульч, өмгөөөлөгч Л.Данзанноров,  Дундговь аймгийн Ардчилсан намын дарга Ц.Мөнхбат нарын санаачилгаар Дэлхийн топ дээд сургууль төгсөөд ирж байгаа зургаан залуу Мандалговьд хүрэлцэн ирж 12 дугаар ангийн сурагчдад болон иргэдэд зориулан лекц уншлаа. Оксфордын их сургууль төгссөн М.Чимэддорж, Английн Иоркийн их сургууль төгссөн П.Эрдэнэ-Өрнөх, Шанхайн их сургууль төгссөн Б.Ган-Очир, Харвардын их сургуулийн төгсөгч С.Санасэр, Б.Дөлгөөн, Колусбын их сургууль төгссөн  Б.Жаргалан нар тодорхой сэдвүүдээр лекц уншсан нь ирэх хавар  бүрэн дунд сургууль төгсөх сурагчдын сонирхлыг гойд татлаа. Энэ лекцинд МСҮТ-өөс бусад ЕБС-ийн 12 дугаар ангийн сурагчид танхим дүүрэн цугларч лекц сонсон сонирхсон асуултдаа хариу авлаа. Мөн  аймгийн АН-аас сурагчдын дунд зарласан "Ардчилал бидэнд юү өгөв" эсээ бичлэгийн уралдаанд шалгарагсдад шагналыг гардууллаа. Энэ лекц тус аймгийн залуучуудад оюуны  томоохон хөрөнгө оруулалт боллоо.  

С.ПҮРЭВСҮРЭН