ЗАР »
П.ЦЭГМИД ОЛОН УЛСЫН ЗУРААЧДЫН ГАЛЛЕРЕЙГ ДУНДГОВЬД БАЙГУУЛАХЫГ САНАЛ БОЛГОЖ БАЙНА
Оросын зураачдын "Монгол говь" аялал Дундговь аймагт үргэлжилж тэд одоо Бага газрын чулуунд хоёр хоногийн ажлаа эхлээд байна. Оросын зураачдын тэргүүн Оросын болон Буриадын гавьяат зураач, төрийн шагналт Чингиз Бадмаевич Шонхоров "-Манай аяллын багт Красноярскаас, Улаан-Үдээс, Москвагаас, Омскоос, Сахагаас... гээд Оросын холбооны улсын өнцөг булан бүрээс ирсэн зураачид явна. Анд нөхөр, Гавьяат зураач Цэгмидийнхээ урилгаар бид Оросоос 13-уул ирсэн. Энд ирээд Их явлаа. Их юм үзлээ. Их юм сонслоо. Их зураг зурлаа. Их юм идлээ. Наргиа шүү. Энэ бол бидэнд Монгол орныг үзэх, Монгол хүн хэрхэн амьдардаг, ямар зан араншин, зан үйлтэй хүмүүс болохыг таних маш ховор, сайхан боломж юм. Эхний 5 хоног тэнгэр таагүй байлаа, энэ нь бидэнд бас л нэг үзэх юмыг үзүүлсэн, уран бүтээлд олз болсон хэрэг" хэмээж байна. Монгол улсын Соёлын гавьяат зүтгэлтэн П.Цэгмид "Аймгийн маань удирдлага маш сайхан хүлээж авлаа. Сайхан ярилцлаа. Ер нь газар газрын , олон улсын зураачдын галлерейг Дундговьд гаргах саналыг аймгийн удирдлагад хэлсэн. Сайхан хүлээж авч байна. Уран зураг сонирхдог, ойлгодог, өөрийн гэсэн галлерейтай үхмүүс, ялангуяа улс төрчид олширч байна. Энэ хандлагаас манай аймаг хоцрохгүй, аймагтаа галлерейтай болох нь зөв юм" гэж ярьж байна.
Нутгийн зураач Цэгмид гавьяатын санаачилга, урилгаар ийнхүү Оросын нэр алдартай зураачид өргөн бүрэлдүүнээр Дундговь аймгаар уран бүтээлийн аялал хийсэн нь Дуу хуурын орон Дундговийг Оросын холбооны улсын өнцөг булан бүрд төдийгүй дэлхий дахинд сурталчлах том үйл явдал боллоо.
С.ПҮРЭВСҮРЭН
Санал болгох
Сэтгэгдэл бичих
АНХААРУУЛГА: Уншигчдын бичсэн сэтгэгдэлд www.Dundgovi.mn сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг устгах эрхтэй!
