Жүдо бөхийн улсын аварга шалгаруулах тэмцээн Дундговьд болно

Эрэгтэйчүүдийн 45 дахь удаагийн, эмэгтэйчүүдийн 30 дахь удаагийн 2022 оны насанд хүрэгчдийн Монгол улсын аварга шалгаруулах Жүдо бөхийн тэмцээнийг Дундговь аймгийн Мандалговь хотноо энэ сарын 26-27-нд зохион байгуулна. Тус аймгийн ЗДТГ, Биеийн тамир сппортын газар, Монголын жүдо бөхийн холбоо хамтран тэмцээний бэлтгэл ажлыг хангаж байгаа аж.

Тэмцээний талаар аймгийн БТСГ-ын ахлах мэргэжилтнээс тодруулахад бэлтгэл ажил 70 хувьтай байгаа ба оролцогчид эмэгтэй 7, эрэгтэй 7 жинд өрсөлдөхөөр бүртгүүлж байна гэлээ. Дундговь аймгаас тус тэмцээнд оролцохоор 13 хүн байнгын бэлтгэл сургуулиа хийж байгааг тодрууллаа.