Сайхан-Овоо суманд "Хог ангилан ялгах" төсөл хэрэгжиж байна

Дундговь аймгийн Сайхан-Овоо сумын төвийн өрхүүд хогоо ангилан, ялгах боломжтой боллоо.

Тус суманд ОНХС-ийн хөрөнгөөр хог ангилан ялгах төслийн тендер зарлаж, "Арцат-Алтай" констракшн ХХК 29,325,00 төгрөгөөр гүйцэтгэхээр гэрээ байгуулан хэрэгжүүлж байгаа юм.

08 дугаар сарын 09-нөөс сумын төвийн 195 өрхийг хогийн савжуулах ажил ийнхүү эхэлж байгаа ба иргэдэд хогоо зөв ангилан ялгах зааварчилгаа өгчээ.

Өрх бүр хогоо шил лааз, цаас, хуванцар гэсэн 3 төрлөөр ангилан ялгах ба ангилсан хогийг хогийн машинаар тээвэрлэн авчирч, жижиглээд контейнарт төвлөрүүлэн зах зээлд нийлүүлэхээр төлөвлөж байгаа ажээ.