ДУНДГОВИОС УУРХАЙЧИН ГАВЬЯАТ ШИНЭЭР ТӨРЛӨӨ

Эрдэнэдалай сумын уугуул Чимэдцэрэнгийн Дашбаатар "Монгол улсын аж үйлдвэрийн гавьяат ажилтан” цол хүртлээ.  Дээрээ ах, эгч хоёртой, дороо гурван эрэгтэй дүүтэй энэ гавьяат Эрдэнэдалай сум, аймгийн төвийн 10 жилийн сургуульд суралцаж цэргийн алба хааж ирээд хөдөлмөрийн гараагаа Цагаан-Овоогийн уурхайд өрмийн туслах машинчаар эхэлж  1985 оноос Багануурын нүүрсний уурхайд БелАЗ-ын жолоочоор ажиллаж олон арван уурхайчин шавь нартай болсон юм. Ч.Дашбаатар нь  1990-2005 онд Бага нүүрын уурхайн Хөдөлмөрийн хамт олны Зөвлөлийн тэргүүлэгчээр, 2007 оноос "Нүүрэнтэйн илч” ТББ санаачлан байгуулж тэргүүн, дэд тэргүүнээр, Монголын нүүрсний уурхайчдын нэгдсэн холбооны ажлын хэсгийн гишүүн, ажиллаж байна. Алтан гадас, Хөдөлмөрийн гавьяаны улаан тугийн одонтой, Монгол улсын "Онц тээвэрчин” "Тэргүүний уурхайчин” цолтой.  Ах дүүс нь цөм уурхайчин замналтай, ажил хөдөлмөрийн хүмүүс юм. Ч.Дашбаатарын  ах  Ч.Мягмар Тэвшийн уурхайн анхны тэсэлгээг хийсэн бол дүү Галбадрах нь анхны өрөмдөгчдийн нэг нэг юм. Галбадрах одоо Дундговь аймгийн Байгаль орчин, аялал жуулчлалын газар жолоочоор ажилладаг.