МОНГОЛ УЛС, ХЯТАД УЛСЫН ХООРОНД ДИПЛОМАТ ХАРИЛЦАА ТОГТООСНЫ 70 ЖИЛИЙН ОЙН НАЙРСАГ ХАМТЫН АЖИЛЛАГААНЫ ӨДӨРЛӨГ ДУНДГОВЬД БОЛЛОО

Монгол улс, Хятад улсын хооронд дипломат харилцаа тогтоосны 70 жилийн ойд зориулсан найрсаг хамтын ажиллагааны өдөрлөг БНХАУ байгуулагдсаны 70 жилийн ойн босгон дээр Дундговьд боллоо. Өдөрлөгт Дундговь аймгийн ИТХ-ын дарга С.Сүхбаатар, Засаг даргын орлогч Ж.Мөнхчулуун, БНХАУ-аас Монгол улсын Замын-Үүдэд суугаа Ерөнхий консул Цай Вень Руй, ерөнхий дэд консул Жан Ий Ши нар болон албаны хүмүүс оролцов. Энэ үеэр БНХАУ-аас Замын-Үүдэд суугаа Ерөнхий консулын газраас Сайнцагаан сумын шинээр байгуулагдсан наймдугаар цэцэрлэгт 9 сая төгрөгийн тусламж, мөн Сурлага, урлаг, спортын авьяасаар тэргүүний 40 хүүхдэд мөнгөн тэтгэлэг гардуулж Ерөнхий боловсролын сургуулиудын сурагчдын дунд насны гурван ангиллаар зарласан "Хятад улсыг хэн сайн мэдэх вэ" сэдэвт эсээ бичлэгийн болон гар зургийн уралдааны тэргүүн, дэд, гутгаар, дэд байрын шалгарагсдад болзолд заасан Өргөмжлөл, мөнгөн шагнал гардуулж сурагчдаа хамгийн идэвхитэй оролцуулсан Лаборатори "Эрдмийн далай" цогцолбор сургууль, "Мандал" сургуулийг шагнасан юм. Ёслолын төгсгөлд ТХДЖТ-ын уран бүтээлчдийн тоглолт сонирхуулав.С.ПҮРЭВСҮРЭН  /Зохиогчийн авсан гэрэл зургууд/