“НЭГ ҮЕИЙХЭН-1998”-ИЙНХНЫ УЛАМЖЛАЛТ САГСАН БӨМБӨГИЙН ТЭМЦЭЭН БОЛОВ

 "Нэг үеийхэн-1998” гэж хүмүүнлгийн болон спорт,урлагийн олон талт ажил зохион байгуулдаг ТББ-ыг мэдэхгүй хүн Дундговьд байхгүй. Энэ бол Дундговь аймгийн Ерөнхий боловсролын сургуулийн 10 дугаар ангийг 1998 онд төгсөгчид юм.

 

 1998-чуудын спортын тэмцээн 5 дахь жилдээ уламжлал болон 2019.04.06-ны өдөр Сагсан бөмбөгийн төрлөөр Нийслэлийн 45 дугаар дунд сургуулийн спорт зааланд амжилттай болж өнгөрлөө. Тэмцээнд нийт 19 ангийн 15 холимог баг оролцож эв нэгдэл, авхаалж самбаа, хурд хүч, авъяас чадвараа сорин өрсөлдсөнөөс С.Одбаатар ахлагчтай Эрдэнэдалай сумын 10а,б ангийн баг тамирчид тэргүүн байрыг эзэлж алтан медаль, шилжин явах АВАРГЫН ЦОМын эзэн боллоо. Дэд байранд Т.Энхбаяр ахлагчтай МГСС-ийн 10а ангийн баг тамирчид шалгарч мөнгөн медаль, гутгаар байранд Б.Дамдин ахлагчтай Эрдмийн далай цогцолбор сургуулийн 10а ангийн баг тамирчид орж хүрэл медаль хүртлээ. Тусгай байранд Эрдмийн далай цогцолбор сургуулийн С.Бямбаа багштай Б.Мөнхбайгал ангийн даргатай 10ё ангийн баг тамирчид орлоо.
Тэмцээний ШИЛДЭГ ЭРЭГТЭЙ тоглогчоор Эрдмийн далай цогцолбор сургуулийн 10ё ангийн төгсөгч М.Хатанбаатар , ШИЛДЭГ ЭМЭГТЭЙ тоглогчоор Эрдэнэдалай сумын 10а ангийн төгсөгч Д.Мөнхжаргал нар тус тус шалгарлаа.
"Нэг үеийнхэн-98” спортын тэмцээнийг энэ жил хуваарь ёсоор Эрдмийн далай цогцолбор сургуулийн У.Жаргалсайхан багштай А.Энхханд даргатай 10а анги, Б.Цэгмид багштай Я.Буянзаяа даргатай 10ж ангийн хамт олон сэтгэл зүтгэл, хөрөнгө гарган Удирдах зөвлөл, тэргүүн Д.Цолмонгийн хамтаар амжилттай сайхан зохион байгууллаа.
Тэмцээндээ сэтгэл гарган хол, ойроос зорин ирж анги хамт олныхоо төлөө зүтгэсэн нийт тамирчиддаа, хөгжөөн дэмжсэн 1998-ийн эд эс болсон нийт найзууддаа, багш нартаа ХАЛУУН БАЯР ХҮРГЭЕ. Та бүхний оролцоо 98-чуудыг үнэхээр гайхалтай болгодог юм шүү.
Дараа жилийн бидний спортын наадам волейболын төрлөөр болох бөгөөд тэмцээнийг зохион байгуулах нэр хүндтэй үүргийг МГСС-ийн Алимаа багштай Ж.Түвшинжаргал ангийн даргатай 10б анги, Говь-Угтаал сумын Цэвэгмид багштай Г.Ганцолмон ангийн даргатай 10а ангийн хамт олон хүлээж төлөөлөл нь ТЭМЦЭЭН ЗОХИОН БАЙГУУЛАХ ЭРХИЙН ТҮЛХҮҮРийг гардаж авлаа.