ДУНДГОВИЙН УУГУУЛ Г.МЯНГАНБАЯР ОЙ ТОГТООЛТЫН СПОРТЫН ОЛОН УЛСЫН МАСТЕР ЦОЛТОЙ ЭХ ОРОНДОО ИРЛЭЭ

Дундговийн уугуул Гантулгын Мянганбаяр ой тогтоолтын Олон улсын мастер (International Master) цолтой эх орондоо ирлээ. 27 дахь удаагийн Ой тогтоолтын дэлхийн аварга шалгаруулах тэмцээнд амжилттай оролцож, багаараа нийт 18 медаль хүртэж, багийн нийлбэр дүнгээр (19401 оноо) БНХАУ болон БНАСАУ-ын дараа гуравдугаар байрт эрэмбэлэгдэж Монгол Улсынхаа нэрийг дэлхийн тавцанд цуурайтуулсан Монголын Оюун Ухааны Академийн тамирчид эх орондоо ирлээ.Түүнчлэн Ой тогтоолтын спортын Их Мастер (Grand Master)-ийн болзлыг Б.Лхагвадорж, М.Уянга, Олон Улсын Мастер (International Master)-ийн болзлыг Г.Мянганбаяр, У.Солонго, А.Одмаа, Т.Тэнүүн, Э.Мишээл, Г.Солонго, Т.Үжин нар тус тус хангаж Дэлхийн холбооны шинэхэн мастерууд боллоо