ЗҮҮН БҮСИЙН ТЭМЭЭЧДИЙН БАЯР ХИЙСЭН ГОВЬ-УГТААЛ "ТӨРИЙН ТӨМӨР ТЭМЭЭ"-ТЭЙ БОЛЛОО

Дундговь аймгийн Говь-Угтаал суманд өнөөдөр зүүн бүсийн тэмээчдийн баяр боллоо. "Тэмээн соёлын баяр” гэж нэрлэсэн ч болох энэ баярт Цагаандэлгэр, Дэрэн, Өлзийт, Дэлгэрхангай сумаас гадна Өмнөговь аймгаас ч тэмээчид ирж уралдаан тэмцээнд оролцсон юм. Тэмээн полод 5 баг оролцон тэмцэлдлээ. Тэрчилэн "Буухиа” тэмцээнээр таван хүнтэй найман баг таван минутанд тэмээ хомнож, ачаа тэгнэн буйл зорж бурантаг томон өрсөлдсөн  бол сайхан тэмээтэй сайхан гоёл чимэглэлтэй, сайхан хувцасласан хос,  өвлийн дах дэгтий, дулаан хувцасны шалгаруулалт, сайхан бие галбиртай буур, ингэ шалгаруулах төрөлд малчид идэвхитэй оролцсон юм. Тэрчилэн торомны уралдаанд дээрх, аймаг сумын төлөөлөл бүгд оролцон Дэлгэрхангай, Өлзийт сумнаас ирсэн торомнууд эхний дөрвөн байрт хурдлан Говь-Угтаалын Д.Түвшинбаярын тором айргийн тавд ирлээ.  Энэ бүх үйл ажиллагааг Доржийхүүгийн Түвшинбаярын тэргүүлдэг "Угтуулын хүрэн тэмээ” холбоо гардан зохион байгуулж хийе бүтээе гэсэн сэтгэл, зүтгэл байвал  Төрийн бус байгууллагад ямар их нөөц, боломж байдгийг харуулсан юм. Энэ баярын үеэр  Говь-Угтаал суманд Өлзийт сумнаас худалдан авсан 34 ингийг "Төрийн төмөр сүрэг” болгон үржүүлж эхэлснийг албан ёсоор зарлав. Энэхүү баярт УИХ-ын гишүүн Д.Дамба-Очир, Аймгийн ИТХ-ын дарга С.Сүхбаатар, Засаг дарга О.Бат-Эрдэнэ, "Элгэмсэг дотно Дундговь” ТББ-ын тэргүүн, УИХ-ын гишүүн асан Н.Тогтох, аймгийн ИТХ-ын тэргүүлэгч Б.Доржсүмбэр нар оролцлоо. Дашрамд дурьдахад ган, зудад тэсвэртэй, эрсдэл хамгийн багатай, товаарлаг мал болох тэмээн сүргийг "Төмөр сүрэг”-ийн зарчмаар өсгөх орчин үеийн загварыг санаачлан бодитоор хэрэгжүүлэхэд олон жилийн хөдөлмөр, зүтгэлээ зориулж яваа хүн нь УИХ-ын гишүүн асан Н.Тогтох гуай юм.  Баяр наадмын төгсгөлд  Говь-Угтаал сумын Засаг дарга Ө.Мөнх-Амгалан дараа жилийн зүүн бүсийн тэмээчдийн баярыг Дэрэн суманд хийх болсныг мэдэгдэн "Шилжин явах цом”-ыг Дэрэн сумын ИТХ-ын дарга Х.Довуучийд гардуулав.
Дундговь аймгийн Говь-Угтаал суманд өнөөдөр зүүн бүсийн тэмээчдийн баяр боллоо. "Тэмээн соёлын баяр” гэж нэрлэсэн ч болох энэ баярт Цагаандэлгэр, Дэрэн, Өлзийт, Дэлгэрхангай сумаас гадна Өмнөговь аймгаас ч тэмээчид ирж уралдаан тэмцээнд оролцсон юм. Тэмээн полод 5 баг оролцон тэмцэлдлээ. Тэрчилэн "Буухиа” тэмцээнээр таван хүнтэй найман баг таван минутанд тэмээ хомнож, ачаа тэгнэн буйл зорж бурантаг томон өрсөлдсөн  бол сайхан тэмээтэй сайхан гоёл чимэглэлтэй, сайхан хувцасласан хос,  өвлийн дах дэгтий, дулаан хувцасны шалгаруулалт, сайхан бие галбиртай буур, ингэ шалгаруулах төрөлд малчид идэвхитэй оролцсон юм. Тэрчилэн торомны уралдаанд дээрх, аймаг сумын төлөөлөл бүгд оролцон Дэлгэрхангай, Өлзийт сумнаас ирсэн торомнууд эхний дөрвөн байрт хурдлан Говь-Угтаалын Д.Түвшинбаярын тором айргийн тавд ирлээ.  Энэ бүх үйл ажиллагааг Доржийхүүгийн Түвшинбаярын тэргүүлдэг "Угтуулын хүрэн тэмээ” холбоо гардан зохион байгуулж хийе бүтээе гэсэн сэтгэл, зүтгэл байвал  Төрийн бус байгууллагад ямар их нөөц, боломж байдгийг харуулсан юм. Энэ баярын үеэр  Говь-Угтаал суманд Өлзийт сумнаас худалдан авсан 34 ингийг "Төрийн төмөр сүрэг” болгон үржүүлж эхэлснийг албан ёсоор зарлав. Энэхүү баярт УИХ-ын гишүүн Д.Дамба-Очир, Аймгийн ИТХ-ын дарга С.Сүхбаатар, Засаг дарга О.Бат-Эрдэнэ, "Элгэмсэг дотно Дундговь” ТББ-ын тэргүүн, УИХ-ын гишүүн асан Н.Тогтох, аймгийн ИТХ-ын тэргүүлэгч Б.Доржсүмбэр нар оролцлоо. Дашрамд дурьдахад ган, зудад тэсвэртэй, эрсдэл хамгийн багатай, товаарлаг мал болох тэмээн сүргийг "Төмөр сүрэг”-ийн зарчмаар өсгөх орчин үеийн загварыг санаачлан бодитоор хэрэгжүүлэхэд олон жилийн хөдөлмөр, зүтгэлээ зориулж яваа хүн нь УИХ-ын гишүүн асан Н.Тогтох гуай юм.  Баяр наадмын төгсгөлд  Говь-Угтаал сумын Засаг дарга Ө.Мөнх-Амгалан дараа жилийн зүүн бүсийн тэмээчдийн баярыг Дэрэн суманд хийх болсныг мэдэгдэн "Шилжин явах цом”-ыг Дэрэн сумын ИТХ-ын дарга Х.Довуучийд гардуулав.