Дундговь аймагт энэ жил 4 сая гаруй толгой мал өвөлжинө

 

Энэ онд Дундговь аймагт 7000 гаруй малчин өрхийн 4 сая гаруй мал өвөлжих тоо урьдчилсан байдлаар гарсан байна. Засгийн газрын албан даалгавар болон  Аймгийн Засаг даргын захирамжаар гар тэжээл бэлтгэж өвөлжилтдөө бэлтгэхийг малчдад үүрэг болгосон юм.

Одоогийн байдлаар Хулд, Дэлгэрхангай, Эрдэнэдалай, Адаацаг гэсэн 4 сумын нутгийн зарим хэсгээр бага зэргийн цастай гэсэн мэдээтэй байна.

Хулд сумын хувьд  40 тонн өвс 30 тонн тэжээл Мал аж ахуйн эрдэм шинжилгээний хүрээлэнгээс эрдэст баялгийг 5 тонныг бэлджээ

Өнгөрсөн оны хавраас сургамж авсан малчид гар тэжээл, өвс, хүчит тэжээлийг өөрсдийн боломжоо ашиглан бэлтгэсэн ба Зарим нь сумддаа өвс тэжээл бэлтгэн нийлүүлжээ.